BƏƏ, Qətər və Azərbaycan liderləri prezident Ərdoğana başsağlığı verdi

SON XƏBƏRLƏR

BƏƏ, Qətər və Azərbaycan liderləri prezident Ərdoğana başsağlığı verdi

2025.01.23, 12:27

BƏƏ, Qətər və Azərbaycan liderləri prezident Rəcəb Tayyib Ərdoğana zəng edərək Bolu Kartalkaya xizək kurortunda Grand Kartal otelində baş verən yanğında həyatını itirənlərə başsağlığı və Türkiyəyə dəstək olduqlarını bildiriblər.

Gunaz.tv

Türkiyə Rabitə İdarəsi Prezident Rəcəb Tayyib Ərdoğanın Birləşmiş Ərəb Əmirliklərinin (BƏƏ) Prezidenti Şeyx Məhəmməd bin Zayed Əl Nəhyan, Qətər Əmiri Şeyx Təmim bin Həməd Al Sani və Azərbaycan Prezidenti İlham Əliyev ilə telefon danışığı apardığını açıqlayıb.

Telefon danışığı zamanı üç ölkə lideri Bolu Kartalkayada baş verən yanğınla bağlı başsağlığı verib və Türkiyəyə dəstəklərini bildiriblər.

Prezident İlham Əliyev yanvarın 21-də faciə ilə əlaqədar Türkiyə Respublikasının Prezidentinə başsağlığı məktubu göndərdiyini də qeyd edib.

Türkiyə Prezidenti diqqətə və başsağlığına görə minnətdarlığını bildirdi və qeyd edib ki, Türkiyə və Azərbaycan daim bir-birilərinin yanındadırlar, bundan sonra da həmişə belə olacaqdır.

Qeyd edək ki, Türkiyə Ədliyyə Nazirliyi Bolu Kartalkaya Xizək Mərkəzində baş verən yanğınla bağlı son vəziyyəti açıqlayıb. Nazirlikdən verilən açıqlamada ölənlərin sayının 78 olduğu vurğulanıb. "Boluda baş verən yanğında bütün şəxsiyyətlər müəyyənləşib. Yanğında həyatını itirənlərin sayı 78 nəfərdir", - deyə bildirilib.

Kimlik tespit çalışmaları tamamlandı: Can kaybı 78

Ədliyyə Naziri Yılmaz Tunç bildirib ki, 7 nəfərdən ibarət ekspert komitəsi yanğınla bağlı araşdırmalarını davam etdirir.

Yılmaz Tunç, Bolu Bələdiyyə Başçısının Yanğından Məsul müavini, Xilasetmə İdarəsinin müdiri, müəssisə sahibi, şirkətin baş direktoru və otel müdirinin də olduğu cəmi 11 nəfərin ilkin istintaq çərçivəsində həbs edildiyini açıqladı.

Grand Kartal Hotel üçün ilkin zərərin qiymətləndirilməsi hesabatı tamamlandı və binanın "ciddi şəkildə zədələndiyi" müəyyən edildi. Böyük ziyan gördüyü bildirilən otellə bağlı yekun hesabat hazırlandıqdan sonra onun sökülməsi ilə bağlı qərar verildiyi bildirilir.

Ş.E

Birleşik Arap Emirlikleri Devlet Başkanı Şeyh Muhammed Bin Zayed Al Nahyan, Katar Emiri Şeyh Temim bin Hamed Al Sani ve Azerbaycan Cumhurbaşkanı İlham Aliyev, Cumhurbaşkanımız Sayın Recep Tayyip Erdoğan’ı telefonla aradılar.

Görüşmelerde Birleşik Arap Emirlikleri, Katar ve…
— T.C. İletişim Başkanlığı (@iletisim) January 23, 2025