Türkiyə Suriya ordusunun yenidən qurulmasında aktiv rol oynayacaq

SON XƏBƏRLƏR

Türkiyə Suriya ordusunun yenidən qurulmasında aktiv rol oynayacaq

2025.02.07, 12:21

Prezident Əhməd Şaranın fevralın 4-də Ankaraya səfərindən sonra Türkiyə Milli Müdafiə Nazirliyi mənbələrindən verilən açıqlamaya görə, təklif Suriyadan gəlib və ilk təmas bir həftə əvvəl edilib.

Gunaz.tv

GünazTV Türkiyə mətbuatından əldə etdiyi məlumata əsasən xəbər verir ki, Türkiyə-Suriya hərbi əlaqələrinin inkişafı üçün üç mərhələli üsul nəzərdə tutulub:

1- Prioritet Suriyadakı bütün dövlət orqanlarının ən qısa zamanda fəaliyyətə başlamasını təmin etmək olacaq. Bu mərhələdə Türkiyə dövlətin bütün sahələrdə yenidən fəaliyyət göstərməsi üçün Suriyadakı yeni rejimə texniki və siyasi dəstək verəcək.

2- Bu müddətdə Suriya tərəfi müdafiə ehtiyaclarını müəyyən edəcək və Türkiyədən nə tələb etdiyini müəyyən edəcək. Türkiyə hərbi təlim və məsləhətləşmələr, müdafiə sənayesi obyektlərin inşası, silah alışı və s. daxil olmaqla hər cür tələblərə hazır olduğunu vurğulayır. Bu dəstək, Suriya özünü müdafiə edə bilənə qədər davam edəcək.

3- Bu proseslərə paralel olaraq Türkiyə Milli Müdafiə Nazirliyi də müharibədən yeni çıxan Suriya ordusunun nələrə ehtiyac duyacağını proqnozlaşdıraraq yeni strategiya üzərində işləyəcək.

Türkiyə Suriyadan gələn tələblərə əsasında ortaq layihələrin həyata keçirilməsi üçün ortaq yol xəritəsi hazırlanacaq. Ankara bu prosesin mümkün qədər tez getməsinin tərəfdarıdır.

Ş.E

GUNAZ.TV

SON XƏBƏRLƏR