Contact Us

SON XƏBƏRLƏR

Putinlə Si Cinpin arasında görüş başladı

2025.05.08, 12:07
Putinlə Si Cinpin arasında görüş başladı

Moskvada Rusiya prezidenti Vladimir Putinlə Çin lideri Si Cinpin arasında görüş başlayıb.

Gunaz.tv

Görüş Kremldə keçirilir. Cinpinin Kreml sarayında rəsmi qarşılanma mərasimi olub.

Qeyd edək ki, Çin Xalq Partiyasının sədri faşizm üzərində qələbənin 80 illiyinə həsr olunan tədbirlərdə iştirak etmək üçün Rusiyaya səfər edib. Onun bu gün Putinlə ikitərəfli və təkbətək danışıqları planlaşdırılır.

Si Cinpin mayın 9-da Rusiya paytaxtında keçiriləcək Qələbə Günü paradına qatılacağı gözlənilən 27 liderdən biridir. Digər gözlənilən qonaqlar arasında Braziliya prezidenti Luiz İnasio Lula da Silva və Slovakiyanın baş naziri Robert Fiko da var. Lakin, Robert Fikonun iştirakı xəstəliyə görə qeyri-müəyyən olaraq qalır. Rusiya Prezidentinin köməkçisi Yuri Uşakov bildirib ki, Azərbaycan Prezidenti İlham Əliyev paradda iştirak etməyəcək.

Kreml daha əvvəl bəyan etmişdi ki, Si Cinpinin səfəri zamanı Pekin və Moskva Çin-Rusiya münasibətlərini gücləndirmək üçün “bir sıra ikitərəfli hökumətlərarası və idarələrarası sənədlər imzalayacaqlar”.

Analitiklər hesab edirlər ki, Kreml Ukraynaya qarşı genişmiqyaslı müharibəyə başladıqdan sonra Çin-Rusiya əlaqələri gücləndirib. Çin özünü müharibədə potensial vasitəçi kimi göstərsə də, eyni zamanda Amerika və müttəfiqlərini Ukraynaya silah verməklə müharibəni “qızışdırmaqda” tənqid edib. NATO Çini Rusiyanın təcavüzünün “həlledici köməkçisi” adlandırıb.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar