Contact Us

SON XƏBƏRLƏR

Xameneyi uranın zənginləşdirilməsinin davam ediləcəyini bildirdi

2025.05.20, 13:11
Xameneyi uranın zənginləşdirilməsinin davam ediləcəyini bildirdi

“İran uranın zənginləşdirilməsi üçün heç kimdən icazə almayacaq”.

Gunaz.tv

GünazTV xəbər verir ki, bunu Əli Xameneyi deyib.

“Qarşı tərəfə xəbərdarlıq etmək istərdim: vasitəçilər vasitəsilə bu danışıqlarda iştirak edən Amerika nümayəndələri boş-boş danışmamağa çalışsınlar. İrana uranı zənginləşdirməyə imkan verməyəcəyinizi söyləmək böyük səhvdir. Bizə heç kimin icazəsi lazım deyil. Növbəti dəfə mən İran xalqına izah edəcəyəm ki, onlar niyə uranın zənginləşdirilməsinə bu qədər diqqət yetirirlər, niyə Qərb, Amerika və başqaları İranda zənginləşdirmə prosesinin dayandırılmasında israrlıdırlar”, - Əli Xameneyi bildirib.

Xatırladaq ki, Amerika prezidentinin xüsusi nümayəndə Stiv Vitkoff bundan əvvəl Vaşinqtonun Tehrandan uranın zənginləşdirilməsini tamamilə dayandırmasını tələb etdiyini açıqlamışdı. “Biz zənginləşdirmə qabiliyyətinin 1 faizinə belə icazə verə bilmərik” deyən Vitkoff, mayın 18-də "ABC"-yə verdiyi açıqlamada bildirib ki, hər hansı zənginləşdirmənin, hətta mülki məqsədlər üçün də silahlanmaya imkan verməyəcək.

Həmçinin Amerika Prezidenti Donald Tramp İrana nüvə silahı əldə etməyə imkan verməyəcəklərini söyləmişdi. Tramp iki ölkə razılığa gələ bilməsə, İranın nüvə obyektlərinə qarşı hərbi əməliyyatlarla hədələyib. Tehran buna baxmayaraq, zərbə endirəcəyi təqdirdə Amerikaya cavab addımı atacağı barədə xəbərdarlıq edib.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar