Contact Us

SON XƏBƏRLƏR

Əfqanıstanlıların edamını dayandır! - İrana müraciət 

2025.06.05, 10:11
Əfqanıstanlıların edamını dayandır! - İrana müraciət 

İranda yaşayan əfqanıstanlı qaçqınların edam edilməsi faktları artıb, İran məhkəməsi əfqanıstanlılara qarşı edam hökmlərini dayandırsın.

Gunaz.tv

Bu, İran İnsan Haqları Təşkilatı, Beynəlxalq İnsan Haqları Federasiyası, İnsan Haqları Müdafiəçiləri Mərkəzi və onlarla başqa insan haqları təşkilatlarının yaydığı birgə bəyanatda deyilib.

Bəyanatda bildirilir ki, İranda Əfqanıstan vətəndaşlarının edam edilməsi əvvəlki illərlə müqayisədə xeyli artıb.

Bildirilib ki, 2024-cü ildə İranda ən azı 80 əfqan kişi edam edilib ki, bu da əvvəlki illə müqayisədə 3 dəfə çoxdur. 

Bəyanatı imzalayanların yazdığına görə, məhkəmə prosesləri, xüsusən də ölüm hökmü ilə nəticələnə bilən ittihamlar üzrə mühakimələr ədalətsiz aparılır və çox vaxt işgəncə altında edilən etiraflara əsaslanır.

Qeyd edək ki, bir çox Əfqanıstan vətəndaşı İranda narkotik ticarəti ittihamı ilə edam edilir. Beynəlxalq Amnistiya Təşkilatının məlumatına görə, İran Çindən sonra dünyada ən yüksək edam nisbətinə malikdir.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar