İsraildə İrana bağlı türkiyəlilər saxlanılıb

SON XƏBƏRLƏR

İsraildə İrana bağlı türkiyəlilər saxlanılıb

2025.10.28, 11:16

İsrail polisi İordaniya sərhədindən İsrailə silah qaçaqmalçılığı ilə məşğul olan İranla əlaqəli üç Türkiyə vətəndaşını həbs edib.

Gunaz.tv

Bu haqda İsrail polisinin yaydığı bəyanatda bildirilib.

Onlar oktyabrın 26-da İsrailin şimalındakı Nasirə Rayon Məhkəməsində hakim qarşısına çıxarılıb. Məhkəmə polisin onların həbs müddətini "məhkəmə prosesi başa çatana qədər" uzatmaq tələbini təmin edib.

İsrail polisinin bildirdiyinə görə, Türkiyə vətəndaşı Oktay Aşçı, Rəhman Gökyer və Yunis Özəl İranın kəşfiyyat orqanlarının məmurları ilə əlaqədə olub və İranın Fələstin ərazilərinə və İsrailə silah ötürmək əməliyyatına cəlb olunublar.

İsrail mediası polisin açıqlamasına istinadən bildirib ki, onlar Türkiyədən İordaniyaya, daha sonra isə Fələstin ərazilərinə silah daşımaq üçün daimi marşrutu aktivləşdirməyə çalışıblar, İran agenti ilə əlaqədə olan Oktay Aşçi bu iş üçün İran kəşfiyyat orqanına 1 milyon dollar ödənilməsini təklif alıb.

Rəsmi Ankara hələlik İsrailin bu iddiası ilə bağlı hər hansı açıqlama verməyib.

Qeyd edək ki, bundan əvvəl İsrail və İordaniya hökumətləri İordaniya sərhədlərindən silah qaçaqmalçılığınln artması barədə xəbərdarlıq etmişdilər.

GünazTV

GUNAZ.TV

SON XƏBƏRLƏR