Pəhləvi ilə əlaqəli media orqanları açıq şəkildə yalan yayır

SON XƏBƏRLƏR

Pəhləvi ilə əlaqəli media orqanları açıq şəkildə yalan yayır

2026.01.09, 12:36

Pəhləvi ilə əlaqəli siyasi hərəkatlar, "Manoto" və "Iran International" kimi media orqanları peşəkar prinsiplərə zidd olaraq Təbrizlə bağlı yalan xəbərlər yayırlar.

Gunaz.tv

Belə ki, Gilanın Rudsar şəhərində çəkilən videolar Təbrizdə çəkilmiş kimi təqdim edilir.

Video sona qədər izləndikdə sağda bir binanın üzərində "Rudsar" sözü aydın şəkildə görünür. Həmçinin, "Farasat Rayane Kompüter Məktəbi" yazılmış lövhə də aydın formada görünür ki, sadə "Google" axtarış üsulu ilə bu mərkəzin Gilan əyalətinin Rudsar şəhərində yerləşdiyini görmək olar.

Bu aşkar saxtakarlıq Təbriz və Güney Azərbaycanın gerçək siyasi mövqeyini pərdələmək üçün atılmışdır. Bu onu göstərir ki, Coğrafiyanı təhrif etməyə və xalqın səsini öz şəxsi mənafeyi və siyasi legitimliyi naminə müsadirə etməyə əl atan şəxslər nəinki azadlığı və demokratiyanı təmsil etmirlər, həm də Azərbaycanın əsl səsinin hətta mediada belə eşidilməsinə dözə bilmirlər.

Bu bir daha göstərdi ki, fars mərkəzçi hərəkatlar “Azərbaycan şərəfdir, Pəhləvi bişərəfdir” şüarını eşitməkdən qorxurlar. Bu gün reallığın bu qədər saxtalaşdırılmasının şahidi olan insanlar heç vaxt gələcəklərini və taleylərini kimliyi və həqiqəti təhrif edənlərin əlinə buraxmayacaqlar.

Ş.A

GUNAZ.TV

SON XƏBƏRLƏR