Contact Us

SON XƏBƏRLƏR

ABŞ-ın Brüsseldəki səfiri: Vaşinqton Rza Pəhləvi və ya müxalifətin digər iddialı liderlərini dəstəkləmir

2026.01.26, 14:50
ABŞ-ın Brüsseldəki səfiri: Vaşinqton Rza Pəhləvi və ya müxalifətin digər iddialı liderlərini dəstəkləmir

Gunaz.tv

ABŞ-ın Belçikadakı səfiri Vaşinqtonun Rza Pəhləvi və İran hakimiyyətinə müxalif olduğunu iddia edən digər şəxslər və qruplardan heç birinə dəstək vermədiyini açıq şəkildə bəyan edib. Bu mövqe ABŞ-ın fərd mərkəzli layihələrə və Pəhləvi ailəsi ətrafında formalaşan təbliğat cəhdlərinə məsafəli yanaşmasını bir daha nümayiş etdirir.

ABŞ-ın Belçikadakı səfiri Bill Uayt bazar günü, 25 yanvar tarixində Brüsseldə İran hakimiyyətinə qarşı keçirilən etiraz aksiyasında iştirak edib. O, “X” sosial şəbəkəsində paylaşdığı açıqlamada ABŞ-ın «konkret olaraq heç bir müxalif lideri» dəstəkləmədiyini vurğulayıb.

Brüsseldə keçirilən aksiyada bəzi iştirakçılar şir və günəş simvolları olan bayraqlar və Rza Pəhləvinin fotoları ilə tədbiri müəyyən bir siyasi xəttin xeyrinə yönəltməyə çalışıblar. Aksiya zamanı son repressiyaların qurbanlarının şəkilləri və bir neçə İsrail bayrağı da diqqət çəkib.

ABŞ səfiri açıqlamasında açıq şəkildə bildirib: «Prezidentin də qeyd etdiyi kimi, aydın deməliyik ki, ABŞ konkret olaraq Rza Pəhləvini və ya hər hansı xüsusi müxalif lideri dəstəkləmir. Biz İranda yaşayan insanların özləri və ailələri üçün daha yaxşı bir gələcək qurmaq iradəsini dəstəkləyirik».

GünazTV

 

Açar Sözlər :

SEÇİLMİŞ XƏBƏRLƏR

Çox oxunanlar