Contact Us

SON XƏBƏRLƏR

Levin Xameneiyə: Ya Moskvaya qaç, ya da sənin ardınca gələcəyik (Video)

2026.01.26, 16:24
Levin Xameneiyə: Ya Moskvaya qaç, ya da sənin ardınca gələcəyik (Video)

Gunaz.tv

ABŞ-ın tanınmış aparıcısı və siyasi şərhçisi Mark Levin “Fox News” kanalında səsləndirdiyi sərt açıqlamalarında İran hakimiyyətinin rəhbəri Əli Xameneini xalqın genişmiqyaslı qətllərinə görə birbaşa məsuliyyət daşıyan şəxs kimi göstərib və bildirib ki, onun yerində olsaydı, “Moskvaya ən sürətli qaçış yolunu” seçərdi.

Levin vurğulayıb ki, Xameneinin əlləri “minlərlə, hətta on minlərlə insanın qanına” batıb və İran hakimiyyətindəki mövcud güc strukturu tam şəkildə onun şəxsiyyətinə bağlıdır. Onun sözlərinə görə, bu sistem lider olmadan faktiki olaraq mövcudluğunu davam etdirə bilməz. Levin iddia edib ki, qətllərin sayı 43 min nəfərə qədər çata bilər.

Mark Levin çıxışı zamanı deyib: “O özünü nə adlandırır? Ali rəhbər? Tezliklə o qədər də ‘ali’ olmayacaqsan. Hərbi gəmiləri, bombardmançıları tanıyırsınızmı? Onlar sənin ardıncadılar. Çünki sən rejimin özüsən və əgər sən aradan götürülsən, o rejim də çökəcək. Minlərlə insanı özün və ailən öldürmüsən, xalqı yoxsulluq və aclıq içində saxlamısan. Sən terrorçusan.”

Levin əlavə edib ki, əgər Xamenei olsaydı, “indi ən sürətli katerlə Moskvaya qaçardı”, əks halda “onun ardınca gələcəklərini” söyləyib.

Mark Levin ABŞ-da mühafizəkar siyasi cərəyanın təsirli simalarından biri hesab olunur və onun mövqeləri Respublikaçı Partiyanın elektoratının mühüm hissəsinin baxışlarını əks etdirir. Hüquqi keçmişi, mühafizəkar düşüncə mərkəzləri ilə yaxın əlaqələri və geniş media təsiri səbəbilə o, sadəcə televiziya aparıcısı deyil, bu siyasi xəttin formalaşmasında rol oynayan əsas səslərdən biri kimi dəyərləndirilir.

Məhz bu səbəbdən “Fox News” kimi media qurumları Levinin açıqlamalarını ön plana çıxarır. Çünki onun mövqeləri ABŞ mühafizəkarlarının təhlükəsizlik və aqressiv xarici siyasət yanaşmaları ilə, xüsusilə İran hakimiyyətinə münasibətdə, üst-üstə düşür və ictimai rəyə, eləcə də siyasi qərarvermə mühitinə təsir göstərə bilir.

GünazTV

 

Açar Sözlər :

SEÇİLMİŞ XƏBƏRLƏR

Çox oxunanlar