Hindustan Times-in ABŞ və İran arasında gərginliklə bağlı təhlili: “Xameneinin gizli sığınacağını tapmaq üçün genişmiqyaslı bombardman?”

SON XƏBƏRLƏR

Hindustan Times-in ABŞ və İran arasında gərginliklə bağlı təhlili: “Xameneinin gizli sığınacağını tapmaq üçün genişmiqyaslı bombardman?”

2026.01.28, 11:36

Amerika Xameneinin yeraltı gizlənəcəyini tapmaq üçün “genişmiqyaslı bombardmanı” nəzərdən keçirirmi?

Gunaz.tv

İngilis dilində fəaliyyət göstərən böyük və nüfuzlu Hindistan qəzet və xəbər mediası olan Hindustan Times, analitik videosunda ABŞ ilə İran hökuməti arasında artan gərginlikləri araşdırır.

Bu media bildirir ki, ABŞ hərbi donanmasının İran ətrafındakı bölgələrə yaxınlaşması ilə, Tehranın cənub-şərqində yerləşən bir hərbi obyektin, xüsusilə Pakdaşd və Pərçin ətrafında eşidilən qeyri-adi səslər və güclü, sirli partlayışlar sosial şəbəkələrdə gərgin atmosfer yaradıb. (27 Yanvar səhəri Tehranda güclü və qəribə partlayış səsi eşidilib.)

Hesabata görə, İran hökumət rəsmiləri heç bir partlayışın baş vermədiyini və eşidilən səslərin “adi sınaqların” və “standart fəaliyyətin” nəticəsi olduğunu vurğulayıblar, lakin onlayn mühitdə gizli hücumlar və psixoloji müharibə ilə bağlı ehtimallar irəli sürülüb.

Hindustan Times Middle East Eye-in hesabatlarına və İnqilab Keşikçiləri Korpusuna yaxın mənbələrin təhlillərinə istinad edərək bildirir ki, İran ABŞ və İsraili yüksək səviyyəli liderlərin gizli yerlərini müəyyənləşdirmək üçün planlar qurmaqda ittiham edib. Bu təhlildə qeyd olunur ki, SEPAH mənbələri dəyərli hədəflərin, o cümlədən Əli Xameneinin gizli sığınacaqlarının yerini aşkara çıxarmaq məqsədilə hücum ssenarilərinin nəzərdən keçirildiyini iddia ediblər və Xamenei Tehranda təhlükəsiz bir məkana köçürülüb, mühafizə qüvvələri isə tam hazır vəziyyətə gətirilib.

Hesabatın davamında ABŞ-ın bölgədə hərbi mövcudluğunu artırmasına, o cümlədən döyüş gəmilərinin, B-52 kimi uzaqmənzilli bombardmançıların və raketdən müdafiə sistemlərinin Fars körfəzi və Ərəb dənizində yerləşdirilməsinə diqqət çəkilir. Hindustan Times bu hərəkətləri Vaşinqtonun artan təzyiqinin bir hissəsi kimi xarakterizə edir və sual edir ki, Tramp administrasiyasının növbəti addımı Xameneinin gizli sığınacağını tapmaq üçün genişmiqyaslı bombardman ola bilərmi, yoxsa yox.

Hindustan Times yekun olaraq vurğulayır ki, Donald Trampın birbaşa hücumdan görünən şəkildə geri çəkilməsinə baxmayaraq, ABŞ qüvvələrinin bölgədə artırılması daha pis ssenarilərə hazırlığın göstəricisidir və sual olaraq qalır ki, bu gərginliklər tammiqyaslı müharibəyə çevriləcəkmi, yoxsa yox.

GünazTV

GUNAZ.TV

SON XƏBƏRLƏR