Qırmızı dənizdə iki hərbi gücün birgə təlimi

SON XƏBƏRLƏR

Qırmızı dənizdə iki hərbi gücün birgə təlimi

2026.02.03, 12:04

ABŞ-ın raketdaşıyan esminesi təlimdən sonra Eylat limanını tərk edərək əməliyyat missiyasına yollandı.

Gunaz.tv

ABŞ-ın raketdaşıyan esminesi ilə İsrail Hərbi Dəniz Qüvvələri Qırmızı dənizdə birgə dəniz təlimi keçirib.

ABŞ Hərbi Dəniz Qüvvələri bildirib ki, “USS Delbert D. Black” adlı raketlə silahlanmış esmines İsrailin cənubundakı Eylat limanını tərk etdikdən sonra Qırmızı dənizdə İsrail Hərbi Dəniz Qüvvələrinin Sa’ar 5 sinifli “INS Eilat” korveti ilə “adi dəniz təlimi” həyata keçirib.

ABŞ-ın Mərkəzi Komandanlığının Dəniz Qüvvələri (NAVCENT) vurğulayıb ki, bu birgə məşq ABŞ-ın Beşinci Donanması ilə İsrail Hərbi Dəniz Qüvvələri arasında “güclü hərbi tərəfdaşlığın” göstəricisidir və təlim tərəflər arasında davam edən əməkdaşlıq çərçivəsində keçirilib.

Məlumata görə, “Arleigh Burke” sinifli, idarə olunan raketlərlə təchiz edilmiş “USS Delbert D. Black” esminesi cümə günü Eylat limanında “planlaşdırılmış liman səfəri” üçün lövbər salıb və daha sonra ötən gün limanı tərk edib.
^{Əlaqəli xəbər: ABŞ-ın yüksək texnologiyalı esminesi İsrailin Eylat limanında lövbər saldı}

Adətən ABŞ Hərbi Dəniz Qüvvələri təhlükəsizlik səbəbilə gəmilərin dəqiq növbəti marşrutunu açıqlamır. Bu səbəbdən də Qırmızı dənizdə keçirilən təlimdən sonra esminesin növbəti təyinat məntəqəsi rəsmi olaraq elan edilməyib.

İsrail ordusu isə bəyan edib ki, esminesin gəlişi əvvəlcədən planlaşdırılıb və bu addım İsrail Müdafiə Qüvvələri ilə ABŞ ordusu arasında davam edən əməkdaşlığın bir hissəsidir.

GünazTV

GUNAZ.TV

SON XƏBƏRLƏR