ABŞ Hindistanın manevrinə dəvət olunan İran gəmisini necə hədəfə aldı?

SON XƏBƏRLƏR

ABŞ Hindistanın manevrinə dəvət olunan İran gəmisini necə hədəfə aldı? – Analiz

2026.03.09, 15:31

Gunaz.tv

İllərdir “ABŞ və İsrailə ölüm” kimi şüarlarla siyasət yürüdən İran hakimiyyətinin regiondakı gərginlik siyasəti növbəti ağır nəticə ilə gündəmə gəlib.

Hindistanın ev sahibliyi etdiyi beynəlxalq dəniz təlimindən qayıdan İran Hərbi Dəniz Qüvvələrinə məxsus IRIS Dena freqatının batması onlarla hərbçinin ölümü ilə nəticələnib.

Məlumata görə, İran donanmasına aid IRIS Dena gəmisi Hindistanın təşkil etdiyi beynəlxalq MILAN 2026 dəniz təliminə dəvət olunmuş və hətta tədbirdə “şərəf qonağı” statusu ilə iştirak etmişdi. Təlim 15–25 fevral 2026 tarixlərində Hindistanın Visakhapatnam limanında keçirilib.

Bildirilir ki, təlim başa çatdıqdan sonra İran gəmisi vətənə qayıtmaq üçün Hindistanı tərk edib. Lakin regionda İran, ABŞ və İsrail arasında gərginliyin artması fonunda gəmi geri dönüş marşrutu zamanı hədəfə çevrilib.

Məlumatlara əsasən, 4 mart 2026-cı ildə gəmi beynəlxalq sularda hərəkət edərkən hücuma məruz qalıb və nəticədə batıb. Hadisə nəticəsində gəmidə olan təxminən 130 nəfərlik heyətdən 100-dən çoxunun həlak olduğu bildirilir.

Bəzi məlumatlarda gəminin marşrut və koordinatlarının Hindistan tərəfindən ABŞ tərəfi ilə paylaşılması iddiası da irəli sürülür. Bu iddialara görə, məhz həmin məlumatlar gəmiyə qarşı əməliyyatın həyata keçirilməsini asanlaşdırıb.

Hadisə regionda hərbi və siyasi müzakirələrə səbəb olub. Bir sıra müşahidəçilər baş verənləri İranın son illərdə yürüdüyü gərginlik siyasətinin nəticəsi kimi qiymətləndirir və bu cür hadisələrin ölkəni daha geniş təhlükəsizlik riskləri ilə üz-üzə qoyduğunu bildirirlər.

Analitiklərin fikrincə, regionda davam edən qarşıdurmalar və geosiyasi rəqabət İranın hərbi qüvvələrini də riskli vəziyyətə salır və bu kimi insidentlərin təkrarlanma ehtimalını artırır.

^{Əlaqəli xəbər Şri-Lanka sahillərində batmaqda olan İran hərbi gəmisindən 32 nəfər xilas edilib}

GünAzTV
R.G

GUNAZ.TV

SON XƏBƏRLƏR