İsveç İran səfirliyi əməkdaşlarının vizalarını uzatmır

SON XƏBƏRLƏR

İsveç İran səfirliyi əməkdaşlarının vizalarını uzatmır – səbəb nədir?

2026.03.24, 18:35

Gunaz.tv

Gunaz TV-nin məlumatına görə, İsveç hökuməti Stokholmda yerləşən İran səfirliyinin bəzi əməkdaşları üçün qısamüddətli vizaların verilməsini və uzadılmasını dayandırıb; İsveç rəsmilərinin bildirdiyinə görə, bu qərar İranda bir İsveç vətəndaşının edam edilməsi ilə bağlı dosyaya cavab olaraq qəbul edilib.

Bu qərara əsasən, İran səfirliyinin əməkdaşları üçün artıq heç bir yeni qısamüddətli viza verilməyəcək və mövcud vizalar da uzadılmayacaq.

Qərar konkret olaraq səfirliyin iki əməkdaşına təsir edir və bu, onların yaşayış icazəsinin may ayından etibarən uzadılmayacağı deməkdir.

İsveç hökuməti eyni zamanda Avropa İttifaqı daxilində edam hökmünün verilməsi və icrasında rol oynayan şəxslərə qarşı sanksiyaların tətbiqi üçün çalışır. Bu sanksiyalar Avropa İttifaqı ölkələrinə giriş qadağasını da əhatə edə bilər.

İsveçin xarici işlər naziri bildirib ki, bu addımlar İsveçin reaksiyasının yalnız başlanğıcıdır və hökumət gələcəkdə mümkün əlavə tədbirləri istisna etmir.

GünAzTV
R.G

2026.03.18, 10:56

GUNAZ.TV

SON XƏBƏRLƏR