Gunaz TV-nin məlumatına görə, respublikaçı senator Lindsey Graham sosial şəbəkə X-də yaydığı bəyanatda İranla müharibənin başa çatdırılması üzrə danışıqlarla bağlı mövqeyini açıqladı və vurğuladı ki, diplomatik sonluq yalnız ABŞ-ın əsas hədəflərini tam təmin etdiyi halda qəbul edilə bilər.

İran raket terrorizmini və nüvə silahı yolunu tərk etməlidir.
Qraham sərt və açıq tonla yazdı: «ABŞ-ın İrana qarşı əsas hədəflərini təmin edən müharibənin diplomatik sonu arzu olunan nəticədir. Mən prezidentin danışıqlar komandasının gərgin səylərini həqiqətən yüksək qiymətləndirirəm, hansı ki, bu müharibəni elə şəkildə bitirə biləcək mühüm diplomatik nailiyyətləri müəyyən edib ki, İran dövlət terrorizminin ən böyük dəstəkçisi olmasın, bölgəni və dünyanı terrorizə edən raketlərə malik olmasın və nüvə silahına gedən yol birdəfəlik bağlansın.»

Biz qəddar, şantajçı, yaralı və daim aldadan bir rejimlə qarşı-qarşıyayıq.
O əlavə etdi: «Bununla belə, yadda saxlamalıyıq ki, İranda kiminlə üz-üzəyik: ağır yaralanmış və hər dəfə aldadan qəddar bir rejimlə. Hörmüz boğazı ilə bağlı isə heç bir halda baş verməməli olan ssenari budur ki, İran rejimi sağ qalmaq üçün boğaz üzərində nəzarəti ələ keçirərək dünyanı şantaj etsin. Aydın olmalıdır ki, bu müharibə bitdikdə – istər diplomatiya, istərsə də hərbi yolla – Hörmüz boğazının nəzarəti İranın əlində olmamalıdır.»

İranda bir unsiya belə zənginləşdirilmiş uran qalmamalıdır!
O dedi: «Yüksək səviyyədə zənginləşdirilmiş uranla bağlı vacibdir ki, İranda bir unsiya belə qalmasın – basdırılmış olsa belə. Prezident Buş 43 dövründə ABŞ-ın Liviyaya daxil olaraq nüvə və zənginləşdirmə obyektlərini sökməsinə və bütün zənginləşdirilmiş uranı götürməsinə icazə verilmişdi. Bu model İranda da tətbiq olunmalıdır, çünki biz ölkədə heç bir zənginləşdirilmiş uranın qalmasına icazə verə bilmərik; bu ya “çirkli bomba”ya çevriləcək, ya da gələcəkdə silah səviyyəsinə çatdırılacaq. İranın nüvə zənginləşdirmə razılaşmalarına gəldikdə isə onlar həmişə aldadıblar.»

Bu müharibə istənilən halda bitməlidir – diplomatiya və ya hərbi yol ilə!
ABŞ senatoru həmçinin dedi: «Prezident Donald Trump haqlı olaraq israr edir ki, hər hansı razılaşma bizim hərbi və strateji hədəflərimizə uyğun olmalıdır. Əgər İran müqavimət göstərsə, o zaman onların həyati infrastrukturunun məhv edilməsi doğru addım olar ki, əvvəlki yollarına qayıda bilməsinlər. Bu müharibə elə bitməlidir ki – istər diplomatiya, istər hərbi yolla – İranın əvvəlki davranışlarına qayıtmasının qarşısı alınsın. Əgər buna nail olsaq, Yaxın Şərqdə əvvəllər təsəvvür edilməyən miqyasda sülhün qapıları açılacaq. Biz strateji qələbəyə çox yaxınıq. Gəlin işi tamamlayıq.»

Sonda o, dolayı danışıqların davam etdiyini və Tehranın son 10 maddəlik cavabının nəzərdən keçirildiyini xatırladaraq vurğuladı ki, heç bir razılaşma İranın əvvəlki davranışlarına qayıtmasına imkan verməməlidir. O, ABŞ və region üçün “strateji qələbə”nin vacibliyini bir daha önə çəkdi.

GünAzTV
R.G