Pakistan üçün 5 milyard dollarlıq dəstək

SON XƏBƏRLƏR

Pakistan üçün 5 milyard dollarlıq dəstək

2026.04.11, 17:53

Gunaz.tv

Gunaz TV-nin məlumatına görə, Səudiyyə Ərəbistanı və Qətər koordinasiyalı şəkildə Pakistana 5 milyard dollar maliyyə dəstəyi verəcəyini açıqlayıb. Bu addım ölkənin zəif xarici valyuta ehtiyatlarına əlavə təzyiqin qarşısını almağa yönəlib.

Məlumata əsasən, bu maliyyə dəstəyi Pakistan iqtisadiyyatının artan xarici təzyiqlər və bölgədəki gərginlik fonunda yüksələn xərclərlə üzləşdiyi bir vaxtda həyata keçirilir.

Pakistan üçün 5 milyard dollarlıq dəstək
Bu çərçivədə Səudiyyə Ərəbistanının maliyyə naziri “Mohammed bin Abdullah Al-Jadaan” İslamabadda Pakistanın baş naziri “Şahbaz Şərif” ilə görüşərək Riyadın iqtisadi dəstəyini təsdiqləyib.

Görüşdə Pakistanın yüksək vəzifəli rəsmiləri, o cümlədən xarici işlər naziri “İshaq Dar” və ordu komandanı “Asim Munir” iştirak edib. Danışıqlarda iqtisadi əməkdaşlıq və regional proseslər müzakirə olunub.

Məlumatlara görə, Pakistan əlavə maliyyə dəstəyi, o cümlədən nağd depozitlərin artırılması və neft maliyyələşdirmə mexanizmlərinin uzadılması üçün müraciət edib.

Rəsmi razılaşma elan olunmasa da, mənbələr bildirir ki, maliyyə dəstəyi ilə bağlı müzakirələr əvvəldən iki ölkənin maliyyə qurumları arasında aparılıb.

Pakistanın valyuta ehtiyatları hələ də ciddi təzyiq altındadır və rəsmilər xəbərdarlıq edir ki, yeni maliyyə axını olmazsa, ehtiyatlar yaxın həftələrdə daha da azala bilər.

Eyni zamanda Pakistan hökuməti Vaşinqtonda keçiriləcək mühüm maliyyə görüşləri ərəfəsində beynəlxalq tərəfdaşlarla danışıqları davam etdirir.

Günaz TV
R.G

GUNAZ.TV

SON XƏBƏRLƏR