Contact Us

SON XƏBƏRLƏR

ABŞ İran tankerini hədəfə aldı

2026.05.06, 20:50
ABŞ İran tankerini hədəfə aldı

Gunaz.tv

ABŞ Mərkəzi Komandanlığı – CENTCOM bildirib ki, Amerika qüvvələri İran bayrağı altında üzən boş bir tankeri Oman dənizində atəş açaraq hərəkətsiz vəziyyətə salıb. Qurumun iddiasına görə, tanker İran limanlarına tətbiq edilən “dəniz blokadasını pozmağa” çalışıb.

Gunaz TV-nin məlumatına görə, CENTCOM-un yaydığı bəyanatda “MT Hosna” adlı tanker çərşənbə günü, 16 ordibehişt (6 may 2026) tarixində beynəlxalq sularda İran limanlarından birinə doğru hərəkət edərkən müəyyən edilib. Bildirilib ki, ABŞ qüvvələri gəmi heyətinə bir neçə dəfə xəbərdarlıq edərək onların dəniz blokadasını pozduğunu bildirib.

Bəyanata əsasən, heyətin xəbərdarlıqlara məhəl qoymamasından sonra “Abraham Lincoln” təyyarədaşıyan gəmisindən havaya qalxan ABŞ Hərbi Dəniz Qüvvələrinə məxsus F-18 qırıcısı tankerinin sükan hissəsini 20 millimetrlik mərmilərlə hədəfə alıb.

CENTCOM açıqlayıb: “Bu gəmi artıq İran istiqamətində hərəkət etmir” və İran limanlarına qarşı dəniz blokadasının davam etdiyini vurğulayıb.

ABŞ ordusu bundan əvvəl də bildirmişdi ki, həyata keçirilən dəniz blokadası çərçivəsində İran mənşəli və ya İran istiqamətli 51 gəmi və üzən vasitənin marşrutu dəyişdirilib.

 

GünAzTV
R.G
 

Açar Sözlər :

SEÇİLMİŞ XƏBƏRLƏR

Çox oxunanlar