Contact Us

SON XƏBƏRLƏR

Tehranı dəhşətli zəlzələ silkələdi

2026.05.12, 23:50
Tehranı dəhşətli zəlzələ silkələdi

İRNA: Tehranda yer təxminən 10 saniyə silkələnib. İnsanlar qorxu içində küçələrə axışıblar.

Gunaz.tv

Gunaz TV-nin məlumatına görə, mayın 12-si bazar ertəsi axşamı Tehran və Mazandaran ostanlarının sərhədində 4.6 bal gücündə zəlzələ baş verib və onun təkanları Tehran, Kərəc və paytaxtın şərq bölgələrində aydın şəkildə hiss olunub.

İlkin məlumatlara görə, bu zəlzələ Tehran vaxtı ilə saat 23:46-da baş verib və narahatlığa səbəb olub; belə ki, bəzi bölgələrdə sakinlər bir neçə dəqiqəlik evlərini tərk edərək küçələrə çıxıblar.

Bu xəbərin hazırlandığı ana qədər insan itkisi və ya maddi ziyanla bağlı rəsmi məlumat yayılmayıb, lakin zəlzələnin qeyri-sabit hava şəraiti ilə eyni vaxta təsadüf etməsi narahatlığı artırıb.

Tehran və ətraf bölgələr son günlər güclü külək, toz fırtınası, şimşək və arabir yağıntılarla üzləşib. Meteorologiya qurumu daha əvvəl güclü küləklə bağlı narıncı səviyyəli xəbərdarlıq yaymışdı.

Tehran, Əlborz və Mazandaran sərhəd bölgəsi aktiv fay xətlərinin yerləşdiyi ərazilərdən sayılır və burada kiçik və orta güclü zəlzələlərin baş verməsi əvvəllər də qeydə alınıb.

Böyüklüyü: 4.6
Baş vermə yeri: Tehran və Mazandaran ostanlarının sərhədi – Pərdis yaxınlığı
Yerli vaxtla tarix və saat: 1405/02/22 – 23:46:07 (12 may 2026)
Coğrafi uzunluq: 51.83
Coğrafi en: 35.82
Zəlzələnin dərinliyi: 10 kilometr

Ən yaxın şəhərlər:
8 kilometr – Pərdis (Tehran)
10 kilometr – Buməhen (Tehran)
11 kilometr – Rudehen (Tehran)

Ən yaxın ostan mərkəzləri:
41 kilometr – Tehran
77 kilometr – Kərəc

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar