Contact Us

SON XƏBƏRLƏR

Nüvə yükü daşıyan Rusiya gəmisi müəmmalı şəkildə batdı

2026.05.13, 22:02
Nüvə yükü daşıyan Rusiya gəmisi müəmmalı şəkildə batdı

Bu gəminin əsl təyinat nöqtəsi hara idi?

Gunaz.tv

Gunaz TV-nin məlumatına görə, media Aralıq dənizində Rusiya gəmisinin müəmmalı şəkildə batdığını yazıb; iddialara görə, gəmi nüvə reaktorları ilə əlaqəli həssas avadanlıq daşıyırdı.

Məlumatlara əsasən, gəmi bir neçə şübhəli partlayışdan sonra qəzaya uğrayıb və xilasetmə əməliyyatı başlasa da, bir neçə saat sonra tamamilə suya qərq olub.

Xəbərlərə görə, gəminin kapitanı müstəntiqlərə bildirib ki, bu gəmi iki nüvə reaktoru ilə əlaqəli avadanlıq daşıyırmış. Bəzi mənbələrə görə, yükün mümkün təyinat nöqtəsi Şimali Koreya olub.

Həmçinin bildirilir ki, hadisədən sonra başqa bir Rusiya gəmisi əraziyə gəlib və həmin bölgədə yeni partlayışlar qeydə alınıb; bu isə hadisə ətrafındakı müəmmaları daha da artırıb.

“Ursa Major”un batmasından təxminən bir həftə sonra Rusiyanın tədqiqat gəmisi “Yantar” hadisə yerinə çatıb və təxminən beş gün həmin ərazidə qalıb.

Məlumatlara görə, bu gəminin bölgədə olduğu müddətdə daha dörd partlayış baş verib. İddialara əsasən, bu partlayışlar gəminin qalıqlarını və həssas yükü tamamilə məhv etmək məqsədi daşıya bilərdi.

Rəsmi qurumlar indiyədək təhlükəli maddələrin sızması ilə bağlı hər hansı açıqlama verməyib.

“Kölgə donanması” əsasən Rusiyaya aid olan, başqa ölkələrin bayraqları altında fəaliyyət göstərən və sanksiyalardan yayınmaq üçün istifadə edilən gəmi şəbəkəsidir. Bu gəmilər mürəkkəb mülkiyyət sxemləri vasitəsilə əsl sahiblərini gizlədir.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar