AP İranda insan haqlarına görə qətnamə qəbul etdi

SON XƏBƏRLƏR

AP İranda insan haqlarına görə qətnamə qəbul etdi

2026.05.22, 14:33

Avropa Parlamenti mayın 21-də Strasburqda İranda etirazçıların repressiyasına, siyasi məhbusların edamına və dini azlıqlara qarşı təzyiqlərə qarşı birgə qətnamə qəbul edib.

Gunaz.tv

Bu barədə AP məlumat yayıb.

516 səsə lehinə və 14 səs əleyhinə olmaqla qəbul edilən qətnamə, İran hökumətini repressiyaların artmasına, ölüm hökmünün tətbiqinə və internetə qoyulan məhdudiyyətlərə görə sərt qənayıb.

Qətnamədə Avropa Parlamentinin üzvləri edamların dərhal dayandırılmasına və siyasi məhbusların azad edilməsinə çağırıblar.

Bununla yanaşı qətnamə, etirazçılara, siyasi müxaliflərə, vətəndaş cəmiyyəti fəallarına və dini azlıqlara qarşı repressiyalar açıq şəkildə pislənib və İslam Respublikası hakimiyyətini insan haqlarının pozulmasına görə cavabdeh olmağa çağırıb.

Avropa Parlamentinin üzvləri həmçinin İranda edamların sayının artmasına işarə edərək, ölüm hökmünün qorxu yaratmaq və siyasi etirazların qarşısını almaq üçün bir vasitə kimi istifadəsinə qarşı xəbərdarlıq ediblər.

Qətnamənin başqa bir hissəsində xalqın ölkə tarixində etirazçıların ən böyük qırğını ilə üzləşdiyi və hökumətin sosial narazılığı cilovlamaq və siyasi səfərbərliyin qarşısını almaq üçün edamlardan istifadə etdiyi bildirilib.

Avropa Parlamentinin üzvləri həmçinin siyasi məhbusların və 2026-cı ildə edam edilənlərin cəsarətini təqdir edib və qurbanların ailələri ilə həmrəyliklərini ifadə ediblər.

GünazTV

GUNAZ.TV

SON XƏBƏRLƏR