İran ağır yoxsulluq dalğasının astanasında; iqtisadiyyat üçün qaranlıq gələcək

SON XƏBƏRLƏR

İran ağır yoxsulluq dalğasının astanasında; iqtisadiyyat üçün qaranlıq gələcək

2026.05.23, 13:26

40 milyon insan yoxsulluq həddində; Müharibə bitsə belə, böhran bitmir, İranda yeni yoxsulluq dalğası gəlir.

Gunaz.tv

Gunaz TV-nin məlumatına görə, İranda vətəndaşların üzərində iqtisadi təzyiqlərin artdığı bir vaxtda, bir sıra iqtisadçılar ölkədə yaşayış böhranının dərinləşməsi və yoxsulluğun genişlənməsi ilə bağlı ciddi xəbərdarlıq ediblər və gələcək illə bağlı narahatedici mənzərə cızıblar.

İranlı iqtisadçı Məsud Nili qiymətlərin kəskin artımına diqqət çəkərək bildirib ki, müharibə başa çatsa belə, İran iqtisadiyyatı asanlıqla normal vəziyyətə qayıtmayacaq. O, İran Statistika Mərkəzinin açıqladığı rəqəmlərə istinad edərək bəzi mallarda inflyasiyanın 100 faizə çatdığını deyib.

Höccət Mirzayi isə 2026-ci il üçün iqtisadi vəziyyətlə bağlı proqnoz verərək bildirib ki, İranın iqtisadi artımı mənfi 8.8 faizlə mənfi 10 faiz arasında ola bilər.

O deyib: “Hətta mənfi 10 faizlik iqtisadi artım da neft ixracının azalmasını nəzərə alsaq, nikbin qiymətləndirmə sayıla bilər.”

Mirzayi həmçinin İranda yoxsulluğun daha da dərinləşəcəyi barədə xəbərdarlıq edib və bildirib ki, müharibənin təsirləri davam edərsə, ölkədə yoxsul əhalinin sırasına daha 3.5–4.5 milyon nəfər qoşulacaq.

Onun sözlərinə görə, belə bir vəziyyətdə yoxsulluq həddindən aşağı yaşayan insanların sayı 40 milyonu keçəcək. Bu isə İranda sosial və iqtisadi böhranın miqyasını daha açıq şəkildə ortaya qoyur.

İqtisadçılar xəbərdarlıq edirlər ki, neft gəlirlərinin azalması, nəzarətdən çıxmış inflyasiya və ailələrin üzərində artan iqtisadi yük milyonlarla insanın həyatını ciddi təhlükə ilə üz-üzə qoyur.

GünAzTV
R.G

GUNAZ.TV

SON XƏBƏRLƏR