Tramp bölgə liderləri ilə danışdı: Hörmüz boğazı açılacaq

SON XƏBƏRLƏR

Tramp bölgə liderləri ilə danışdı: Hörmüz boğazı açılacaq

2026.05.24, 07:37

Gunaz.tv

Gunaz TV-nin məlumatına görə, ABŞ prezidenti Donald Tramp yaydığı açıqlamada ABŞ, İran və bölgənin bir sıra ölkələri arasında razılaşmanın böyük ölçüdə müzakirə olunduğunu və yalnız yekun mərhələlərin qaldığını bildirib.

Tramp Ağ Evin Oval kabinetindən Səudiyyə Ərəbistanının vəliəhdi Məhəmməd bin Salman, Birləşmiş Ərəb Əmirliklərinin prezidenti Məhəmməd bin Zayed Al Nəhyan, Qətər əmiri Şeyx Təmim bin Həməd Al Sani və digər Qətər rəsmiləri, Pakistan ordusunun komandanı feldmarşal Seyid Asim Münir, Türkiyə prezidenti Rəcəb Tayyib Ərdoğan, Misir prezidenti Əbdülfəttah əs-Sisi, İordaniya kralı II Abdullah və Bəhreyn kralı ilə İran və onun “sülh haqqında memorandum” adlandırdığı məsələ ilə bağlı danışdığını bildirib.

O, paylaşımında yazıb: “Bir razılaşma böyük ölçüdə müzakirə olunub və bu, Amerika Birləşmiş Ştatları, İran və adı çəkilən digər müxtəlif ölkələr arasında yekunlaşmadan asılıdır.”

Tramp həmçinin İsrailin baş naziri Benyamin Netanyahu ilə ayrıca danışdığını bildirib və deyib: “İsrailin baş naziri Bibi Netanyahu ilə ayrıca danışdım və bu danışıq da eyni dərəcədə yaxşı keçdi.”

ABŞ prezidenti əlavə edib ki, razılaşmanın son detalları hazırda müzakirə olunur və yaxın zamanda açıqlanacaq.

O, həmçinin iddia edib: “Razılaşmanın bir çox digər elementləri ilə yanaşı, Hörmüz boğazı açılacaq.”

Tramp indiyədək bu razılaşmanın mahiyyəti, İranın mümkün öhdəlikləri və ya bölgə ölkələrinin bu prosesdə konkret rolu barədə əlavə təfərrüat paylaşmayıb.

GünAzTV
R.G

GUNAZ.TV

SON XƏBƏRLƏR