CENTCOM İranı vurduğunu təsdiqlədi

SON XƏBƏRLƏR

CENTCOM İranı vurduğunu təsdiqlədi

2026.05.26, 06:19

Gunaz.tv

Gunaz TV-nin məlumatına görə, Fox News ABŞ Mərkəzi Komandanlığının (CENTCOM) sözçüsünə istinadən xəbər verib ki, Amerika qüvvələri bazar ertəsi İranın cənubunda raket buraxılış məntəqələri və İran qayıqlarını hədəf alıb. ABŞ rəsmisinin iddiasına görə, həmin qayıqlar minalama əməliyyatı həyata keçirməyə çalışırdı.

Fox News-un CENTCOM-a istinadən yaydığı məlumata görə, əməliyyatın bir hissəsi İran qayıqlarına qarşı həyata keçirilib. ABŞ rəsmiləri bu qayıqların minalama hazırlığında olduğunu iddia edib.

Bu, ABŞ mənbələri tərəfindən İranın cənubunda baş verdiyi bildirilən hücumlarla bağlı ilk rəsmi təsdiqdir. Bu hadisə Bəndər Abbas və Ərəb körfəzi ətrafında partlayış səslərinin eşidilməsi ilə bağlı xəbərlərlə eyni vaxta təsadüf edir və İranın cənubundakı təhlükəsizlik vəziyyətinə diqqəti artırıb.

Bundan əvvəl Daneşcu xəbər agentliyi yerli vaxtla ötən səhər Larak adasının cənubunun ABŞ və İsrailin hücumuna məruz qaldığını bildirmişdi.

İran rəsmiləri bu iddialarla bağlı indiyədək geniş və rəsmi açıqlama verməyib.

GünAzTV
R.G

2026.05.26, 06:06

GUNAZ.TV

SON XƏBƏRLƏR