Contact Us

SON XƏBƏRLƏR

Tramp Tehrana daha sərt şərtlərlə yeni mətn göndərdi

2026.05.31, 14:15
Tramp Tehrana daha sərt şərtlərlə yeni mətn göndərdi

Uranın taleyi və Hörmüz boğazı ətrafında fikir ayrılıqları davam edir.

Gunaz.tv

Gunaz.tv-nin məlumatına görə, Amerika mediası Donald Trampın İranla aparılan danışıqların gedişini nəzərdən keçirdikdən sonra memorandumun yeni və daha sərt şərtlər ehtiva edən variantını Tehrana göndərdiyini yazıb.

“New York Times” və “Axios”un məlumatına əsasən, ABŞ prezidenti xüsusilə İranın zənginləşdirilmiş uran ehtiyatları ilə bağlı bəndlər də daxil olmaqla, razılaşmanın bəzi müddəalarının gücləndirilməsini istəyib. Bununla belə, dəyişikliklərin detalları açıqlanmayıb.

Tramp “Fox News”a müsahibəsində bildirib: “Mənim üçün yeganə təminat nüvə silahının olmamasıdır. Onlar bununla razılaşıblar.”

Bunun qarşılığında İran rəsmiləri memorandumun hələ yekunlaşmadığını və tərəflər arasında mühüm fikir ayrılıqlarının qaldığını vurğulayıblar. Tehran həmçinin dondurulmuş maliyyə vəsaitlərinin azad edilməsini danışıqların davam etdirilməsi üçün əsas şərtlərdən biri kimi irəli sürüb.

Tramp danışıqlar prosesinə toxunaraq deyib: “Əgər istədiyimiz nəticəyə çatmasaq, işi başqa cür yekunlaşdıracağıq.”

Eyni zamanda, İranın zənginləşdirilmiş uran ehtiyatlarının gələcəyi, Hörmüz boğazının statusu və razılaşmanın bəzi təhlükəsizlik müddəaları ilə bağlı fikir ayrılıqları davam edir.

 

GünAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar