İranda rəsmi rəqəmlər dərin böhranı üzə çıxardı

SON XƏBƏRLƏR

İranda rəsmi rəqəmlər dərin böhranı üzə çıxardı

2026.06.16, 21:00

İranda əhalinin 60 faizi artıq iqtisadi təzyiqlərə dözə bilmədiyini bildirir.

Gunaz.tv

İranda rəsmi statistika əhali arasında narazılığın geniş vüsət aldığını göstərir. Sorğuların nəticələrinə görə, vətəndaşların əksəriyyəti ölkədəki iqtisadi, sosial vəziyyətdən və ədalət sistemindən narazıdır.

Gunaz TV-nin məlumatına görə, İran Daxili İşlər Nazirliyinin Sosial Məsələlər Təşkilatının rəhbəri Məhəmməd Bəthai bildirib ki, xordad ayında aparılan sorğular zamanı ölkə əhalisinin 60 faizi artıq iqtisadi təzyiqlərə tab gətirə bilmədiyini deyib.

Məhəmməd Bəthai ümumi ictimai məmnunluq səviyyəsinin də aşağı olduğunu açıqlayıb. Onun sözlərinə görə, ölkədə sosial məmnunluq göstəricisi cəmi 38 faizdir. Bu isə o deməkdir ki, təxminən 62 faiz vətəndaş mövcud sosial vəziyyətdən narazıdır.

O əlavə edib ki, 1404-cü il üzrə aparılan sorğuların nəticələrinə əsasən, əhalinin yalnız 25 faizi cəmiyyətdə ədalət və bərabərliyin mövcud olduğunu düşünür. Təxminən 75 faiz vətəndaş isə ölkədə ayrı-seçkilik və bərabərsizliyin hökm sürdüyünə inanır.

Dövlət rəsmisinin sözlərinə görə, əhalinin təxminən 60 faizi ölkənin gələcəyinə və vəziyyətin yaxşılaşacağına ümid bəsləmir, yaxın perspektivdə müsbət dəyişiklik gözləmir.

İranın rəsmi qurumlarından biri tərəfindən açıqlanan bu göstəricilər ölkədə ictimai narazılığın artdığını, yaşayış böhranının dərinləşdiyini və vətəndaşların hakimiyyətin fəaliyyətinə etimadsızlığının geniş yayıldığını ortaya qoyur.

GünAzTV
R.G

GUNAZ.TV

SON XƏBƏRLƏR