Tramp Ankarada İranı müzakirə edəcək

SON XƏBƏRLƏR

Tramp Ankarada İranı müzakirə edəcək

2026.07.06, 08:10

Hörmüz boğazı NATO-nun gündəmində. İranla bağlı vacib görüş Ankarada keçiriləcək və Tramp Ərdoğan və Şaraa ilə görüşəcək.

Gunaz.tv

Gunaz TV-nin məlumatına görə, ABŞ rəsmiləri Prezident Donald Trampın bu həftə Türkiyədə keçiriləcək NATO sammitində Yaxın Şərqin təhlükəsizlik məsələləri, o cümlədən Hörmüz boğazında gəmiçiliyin təhlükəsizliyini müzakirə edəcəyini bildiriblər.

Rəsmilərin sözlərinə görə, Tramp NATO sammiti çərçivəsində Ankarada Türkiyə Prezidenti Rəcəb Tayyib Ərdoğan və Suriya Prezidenti Əhməd əl-Şaraa ilə ayrı-ayrılıqda görüşəcək.

Ağ Ev rəsmiləri bildiriblər ki, dünya neft ixracının təxminən beşdə birinin keçdiyi Hörmüz boğazının təhlükəsizliyi İranla bağlı gərginlik fonunda danışıqların əsas mövzularından biri olacaq.

ABŞ-ın yüksək vəzifəli rəsmilərindən biri bildirib ki, NATO üzvü olan bir neçə ölkə dəniz təhlükəsizliyi əməliyyatlarında iştirak etməyə hazır olduqlarını bəyan etsələr də, onların bir çoxunda effektiv əməliyyat aparmaq üçün kifayət qədər gəmi, texnika və əməliyyat imkanları yoxdur.

Ağ Ev həmçinin açıqlayıb ki, Tramp NATO üzvlərini müdafiə xərclərini artırmağa çağıracaq ki, onlar dəniz təhlükəsizliyi missiyalarında daha fəal rol oynaya bilsinlər.

Gunaz TV
R.G

GUNAZ.TV

SON XƏBƏRLƏR