Tramp: İranın yeni rəhbərləri də öldürülə bilər

SON XƏBƏRLƏR

Tramp: İranın yeni rəhbərləri də öldürülə bilər

2026.07.08, 17:16

ABŞ Prezidenti Donald Tramp İranın yeni rəhbərlərinin də öldürülə biləcəyini söylədi.

Gunaz.tv

Gunaz TV-nin məlumatına görə, ABŞ Prezidenti Donald Tramp NATO ölkələri liderlərinin Ankarada keçirilən sammitindən sonra təşkil etdiyi mətbuat konfransında İranla müharibənin idarə olunmasını müdafiə edərək bildirib ki, İranın yeni rəhbərləri də öldürülə bilər.

Tramp İranla bağlı suala cavabında deyib: “Onların rəhbərləri var idi; artıq yoxdurlar… İndi başqa bir qrup rəhbərləri var. Ola bilər ki, onlar da aradan getsinlər.”

O, əlavə edib: “Və bilirsiniz nədir? Ola bilər ki, mən də aradan gedim. Çünki onların bir nömrəli hədəfi mənəm.”

ABŞ Prezidenti ABŞ ilə İran arasında yeni qarşıdurma ehtimalı barədə suala cavabında bildirib: “Düşünürəm ki, nə baş versə, çox tez başa çatacaq və vəziyyəti, o cümlədən neft üçün daha təhlükəsiz edəcək... Nə baş verəcəksə, çox sürətlə baş verəcək. Biz uzunmüddətli münaqişə istəmirik.”

Tramp bir daha vurğulayıb ki, İran nüvə silahı əldə etməyəcək. Memorandum və danışıqların vəziyyəti ilə bağlı isə deyib: “Onlar razılığa gəlmək istəyirlər, amma bunu bacarmırlar. Razılıq əvəzinə gecələr gəmilərə atəş açırlar.”

İranın Hörmüz boğazından keçən gəmilərə hücumlarından sonra ABŞ ordusu çərşənbə axşamı axşam saatlarında İranın cənubundakı hədəflərə zərbələr endirib. Tramp isə bir neçə saat sonra İran rəsmilərini tənqid edərək bildirib ki, onun fikrincə, son memorandum və İranla əldə olunan atəşkəs artıq qüvvədən düşüb və Vaşinqtonun Tehranla qarşılıqlı əlaqəni davam etdirmək niyyəti yoxdur.

Bu arada, İran rəhbəri tərəfindən təyin olunan baş redaktora malik olan Keyhan qəzeti çərşənbə günü dərc olunan sayında İranı Donald Trampı öldürməyə çağırıb.

Gunaz TV
R.G

GUNAZ.TV

SON XƏBƏRLƏR