ABŞ İranın bir neçə əyalətini hədəfə aldı

SON XƏBƏRLƏR

ABŞ İranın bir neçə əyalətini hədəfə aldı

2026.07.13, 06:42

Gunaz.tv

Gunaz TV-nin məlumatına görə, bazar ertəsi saat 01:35 radələrindən etibarən ABŞ-nin hücumları Xuzistan, Hörmüzqan, Mərkəzi, Sistan və Bəluçistan, eləcə də Buşehr əyalətlərində bir neçə nöqtəni hədəf alıb.

İran mediasının yaydığı məlumatlara və İran rəsmilərinin açıqlamalarına əsasən, hücumlar zamanı və ya partlayış səsləri eşidilən bölgələr bunlardır: Əhvaz, Behbəhan, Dəzful, Omidiyyə, Mahşəhr, Əndimeşk, Abadan, Şadəgan ətrafı, Xondab, Qeşm, Bəndər-Abbas, Bəndər-Lenge, Sirik, Əbu Musa adası, Çabahar və Buşehr əyaləti.

Xuzistan valisinin təhlükəsizlik və hüquq-mühafizə məsələləri üzrə müavini Vəliullah Həyati bildirib ki, saat 01:35-01:40 arasında Əhvaz, Behbəhan və Dəzful ətrafındakı məntəqələr hücuma məruz qalıb. Bundan sonra isə Əndimeşk, Abadan və Şadəgan ətrafına da zərbələr endirilib.

Yayılan məlumatlara görə, Mahşəhrdə bir nəfər həlak olub, dörd nəfər yaralanıb. Hörmüzqan əyalətinin Bəndər-Lenge şəhərində isə "Hamrah-e Aval" mobil rabitə şirkətinin bir əməkdaşı həlak olub, iki nəfər yaralanıb.

Beləliklə, bu xəbərin hazırlandığı vaxta olan məlumata görə, hücumlar nəticəsində azı 2 nəfər həlak olub, 6 nəfər yaralanıb.

İran mediası həmçinin Bəndər-Abbasın qərbində 15 güclü partlayışın, Qeşm, Sirik, Çabahar və Buşehr əyalətində bir neçə partlayışın baş verdiyini, eləcə də Əbu Musa adasına mərmilərin düşdüyünü bildirib.

Mərkəzi əyalətində isə İran rəsmiləri Xondab şəhərindən kənarda yerləşən ərazilərə hücum edildiyini açıqlayıblar. Lakin hədəfə alınan obyektlərlə bağlı hələlik ətraflı məlumat verilməyib.

Bəzi məlumatlarda ABŞ rəsmisinə istinadən bildirilir ki, Hörmüz boğazı ətrafında yerləşən raket sistemləri, hava hücumundan müdafiə vasitələri və SEPAH-a məxsus qayıqlar hədəfə alınıb.

Gunaz TV
R.G

GUNAZ.TV

SON XƏBƏRLƏR