Contact Us

SON XƏBƏRLƏR

Azərbaycanlı mədəni və ictimai fəallar ustad Yusif Fərzanəni ziyarət ediblər

2026.07.22, 12:21
Azərbaycanlı mədəni və ictimai fəallar ustad Yusif Fərzanəni ziyarət ediblər

Bir qrup Azərbaycanlı mədəniyyət və ictimai fəal nəşriyyat və mədəni sahəsinin veteranlarından olan Yusif Fərzanənin evinə baş çəkərək onunla görüşüb, söhbət edib və səhhəti ilə yaxından maraqlanıblar.

Gunaz.tv

Yusif Fərzanə Azərbaycan mədəniyyəti və nəşriyyatının tanınmış simalarından, həmçinin İranda Azərbaycan türkcəsində kitab nəşrinin öncüllərindən olan doktor Məhəmmədəli Fərzanənin qardaşıdır.

O, Tehranda "Əndişeyi Nov" nəşriyyatını təsis etməklə 1970-ci illərdən etibarən Azərbaycan dili, ədəbiyyatı, tarixi və mədəniyyəti sahələrində çoxsaylı əsərlərin nəşrini həyata keçirib və Azərbaycan türkcəsinin yazılı irsinin qorunması və inkişafına mühüm töhfə verib.

Ustad Fərzanənin onilliklər boyu yazıçılara, tədqiqatçılara göstərdiyi dəstək və mədəni əsərlərin nəşri istiqamətində fəaliyyəti onu Azərbaycan nəşriyyat və mədəniyyət sahəsinin ən nüfuzlu simalarından birinə çevirib. Bir çox mədəniyyət xadimi onun türklərin dilinin və milli-mədəni kimliyinin qorunmasındakı rolunu davamlı və dəyərli hesab edir.

 

Ş.A

Açar Sözlər :

SEÇİLMİŞ XƏBƏRLƏR

Çox oxunanlar