İsfahanda iki etirazçı edam edildi

SON XƏBƏRLƏR

İsfahanda iki etirazçı edam edildi

2026.07.28, 10:46

Bu gün səhər saatlarında İsfahan şəhərinin Dəstgerd həbsxanasında Əbülfəz Sepahi Badcani və Əmir Hüseyn Səfəri Hüseynabadi adlı iki etirazçı edam edilib.

Gunaz.tv

Bu barədə İran məhkəməsinin "Mizan" saytı məlumat yayıb.

Məlumata görə, adı çəkilən məhbuslar başqa 10 nəfərlər birlikdə yanvar ayında keçirilən etiraz aksiyaları zamanı saxlanılıblar və bu günə kimi onların 4-ü dar ağacından asılb.

İnsan haqları təşkilatlarının yaydığı məlumata görə, etirazçıların edam ediləcəyi barədə məlumatın yayılmasından sonra ötən gecə İsfahanın Əlixani bölgəsində etiraz aksiyası keçirilib.

Hökumət qüvvələrinin aksiyanı dağtmaq üçün atəş açdiğı və nəticədə hələlik soyadı bilinməyən Anahita adlı gənc qadının həlak olduğu bildirilib.

Qeyd edək ki, yanvar ayında keçirilən etiraz aksiyaları zamanı İsfahanda təhlükəsizlik qüvvələri ilə nümayişçilər arasında baş vermiş qarşıdurma və onun ardınca keçirilən kütləvi həbslər və çıxarılan ölüm hökmləri ilə bağlı açılmış səs-küylü məhkəmə işi "Əlixani" dosiyesi adlandırılır.

İsfahanda keçirilən etirazlar zamanı hökumət qüvvələri ilə toqquşma baş vermiş və rəsmi Tehranın iddiasına görə, "Bəsic" və xüsusi təyinatlı polis qüvvələrinin 4 üzvü (Hüseyn Ramezani, Məhəmməd Hemməti, Seyid Əli Xuşui və Vəliullah Səfəri) öldürülmüşdür.

Hadisədən dərhal sonra İsfahanda genişmiqyaslı təhlükəsizlik əməliyyatları keçirilib və iddia olunan qətllərlə bağlı 59 gənc etirazçı həbs edilib, onlardan 12-i barədə ölüm hökmü çıxarılıb və dördünün edam cəzası həyata keçirilib.

GünAzTV

GUNAZ.TV

SON XƏBƏRLƏR