ABŞ Maliyyə naziri: Hörmüz boğazı 2 il ərzində əhəmiyyətini itirə bilər

SON XƏBƏRLƏR

ABŞ Maliyyə naziri: Hörmüz boğazı 2 il ərzində əhəmiyyətini itirə bilər

2026.08.09, 23:35

Gunaz.tv

ABŞ-ın Maliyyə naziri Skott Besent “12 News” kanalına müsahibəsində Hörmüz boğazının qarşıdakı 2 il ərzində əhəmiyyətini itirəcəyini proqnozlaşdırıb.

Besent bildirib ki, hazırda bu boğazdan keçən enerjinin 50-70 faizindən çoxu gələcəkdə yeraltı boru kəmərləri vasitəsilə daşınacaq.

Hörmüz boğazı dünya üzrə neft və qaz ixracının təxminən beşdə birinin keçdiyi əsas enerji marşrutudur. İran ötən fevral ayında ABŞ və İsrailin hücumlarından sonra boğazı bağladıqda, yüzlərlə neft tankeri dəniz marşrutlarında qalmış və bu vəziyyət qlobal enerji təchizatında genişmiqyaslı problemlərə səbəb olmuşdu.

“Reuters” daha əvvəl xəbər vermişdi ki, Səudiyyə Ərəbistanı xam neftin ölkənin Qırmızı dəniz sahilində yerləşən qərb sahillərinə nəqlini təmin edən boru kəmərinin ötürücülük gücünü sutkada 9 milyon barelə qədər artırmağı nəzərdən keçirir. Bu addım Səudiyyə Ərəbistanına və ehtimal ki, qonşu ölkələrə daha böyük həcmdə nefti Hörmüz boğazından keçirmədən nəql etmək imkanı verə bilər.

“Şərq-Qərb” adlanan bu boru kəməri 1980-ci illərin əvvəllərində inşa edilib. İran müharibəsinin fevral ayında başlaması və Hörmüz boğazı vasitəsilə dəniz daşımalarının dayandırılmasından sonra boru kəmərinin əhəmiyyəti daha da artıb.

GunAz TV
R.G

GUNAZ.TV

SON XƏBƏRLƏR