9 ölkənin komandirləri İrana qarşı Almaniyada toplantı keçirdi

SON XƏBƏRLƏR

9 ölkənin komandirləri İrana qarşı Almaniyada toplantı keçirdi

2026.09.15, 22:42

ABŞ, İsrail və ərəb ölkələrinin hərbi komandirləri gizli görüş keçiriblər. İrana qarşı görünməmiş koalisiya formalaşır?

Gunaz.tv

İki israilli rəsmi “Axios”a bildiriblər ki, ABŞ, İsrail və bir neçə ərəb ölkəsinin yüksək rütbəli hərbi komandirləri ötən həftə Almaniyada keçirilən gizli görüşdə İranla müharibəni və bölgədəki təhlükəsizlik vəziyyətini müzakirə ediblər.

Gunaz TV xəbər verir ki, görüşə ABŞ Mərkəzi Komandanlığının (CENTCOM) komandanı admiral Bred Kuper ev sahibliyi edib. Bu, ABŞ və İsrailin İranla müharibəsinin başlamasından sonra altı aydan artıq müddətdə bu formatda keçirilən ilk görüş olub.

Görüşdə İsrail, Səudiyyə Ərəbistanı, Birləşmiş Ərəb Əmirlikləri, Bəhreyn, Küveyt, Qətər, İordaniya və Misirin hərbi komandirləri iştirak ediblər. Bu, İsraillə diplomatik münasibətləri olmayan Körfəz ərəb ölkələri ilə İsrail rəsmiləri arasında birbaşa fikir mübadiləsi üçün nadir imkan yaradıb.

“Axios”un mənbələrinə görə, Kuper iştirakçıları əmin edib ki, İranın ABŞ bazalarına hücumlarına baxmayaraq, ABŞ ordusu qüvvələrini bölgədən çıxarmayacaq. O, həmçinin ABŞ-ın Hörmüz boğazında gəmi hərəkətinin artırılması ilə bağlı planlarını açıqlayıb.

İsrail Silahlı Qüvvələrinin Baş Qərargah rəisi general Eyal Zamir də ordunun müxtəlif cəbhələrdə keçirdiyi əməliyyatlar barədə hesabat təqdim edib.

CENTCOM görüşün keçirildiyini təsdiqləyərək bildirib ki, toplantı səkkiz ölkənin yüksək səviyyəli hərbi rəhbərlərinin iştirakı ilə Yaxın Şərqdə təhlükəsizlik əməkdaşlığını gücləndirmək məqsədilə keçirilib.

Gunaz TV
R.G

GUNAZ.TV

SON XƏBƏRLƏR