Güney Azərbaycanda “Sərtərxan Kuboku” milli qeydiyyata alınacaq

SON XƏBƏRLƏR

Güney Azərbaycanda “Sərtərxan Kuboku” milli qeydiyyata alınacaq

2026.09.24, 22:53

Gunaz.tv

Şərqi Azərbaycan əyalətinin Verzqan rayonunda keçirilən mədəni-idman xarakterli “Sərtərxan Kuboku” festivalının milli qeydiyyata alınması üçün işlərə başlanılıb.

Verzqan rayonunun icra hakimiyyətinin başçısı Sadiq Mikayili bildirib ki, festivalın 14-cü buraxılışı səhər çağı cümə günü Verzqanın Kərviq kəndində keçiriləcək. Yarışlarda Şərqi Azərbaycanın müxtəlif kəndlərindən və köçəri bölgələrindən olan atçılar qadın və kişi bölmələrində iştirak edəcəklər.

Atçılıq festivalın əsas yarış növü olacaq. Bununla yanaşı, ağacçəkmə, kəndirçəkmə, qaçış və ənənəvi oxatma kimi Azərbaycan xalqının qədim yerli oyun və idman növləri də keçiriləcək. Festival çərçivəsində ənənəvi musiqi və incəsənət proqramları da təqdim olunacaq.

Festivalın milli qeydiyyata alınması prosesi İranın Mədəni İrs, İdman və Gənclər və Poçt qurumlarının əməkdaşlığı ilə həyata keçiriləcək.

Atçıların qeydiyyatı səhər saat 08:30-dan 10:00-dək aparılacaq. Yarışda iştirak etmək üçün idman sığortası və qoruyucu dəbilqənin olması tələb olunur.

GünAz TV
R.G

GUNAZ.TV

SON XƏBƏRLƏR