Qazaxıstan Rusiyaya nota verib

SON XƏBƏRLƏR

Qazaxıstan Rusiyaya nota verib

2026.10.01, 13:26

Qazaxıstan Rusiya ordusunun sıralarına cəlb olunmuş vətəndaşlarının ölkəyə qaytarılmasını tələb edir.

Gunaz.tv

Zorla müharibəyə aparılanlar arasında işləmək üçün Rusiyaya gedən, lakin sonda Ukraynaya qarşı müharibə aparan ölkənin ordusunda xidmət etməyə başlayan Miras Taşjarqanov da var.

Qazaxıstan XİN-in məlumatına görə, sentyabrın 17-də səfirliyin konsulluq şöbəsi Taşjarqanovun anası Gülcanla və Mirasın özü ilə əlaqə saxlayıb. Miras diplomatlara çətin vəziyyətə düşdüyünü və onunla birlikdə daha bir neçə Qazaxıstan vətəndaşının olduğunu bildirib. O, onların ölkəyə qayıtmasına kömək göstərilməsini istəyib.

Növbəti gün, sentyabrın 18-də Qazaxıstan səfirliyi Rusiya Xarici İşlər Nazirliyinə rəsmi nota göndərərək adıçəkilən vətəndaşların Qazaxıstana qaytarılmasına yardım göstərilməsini xahiş edib.

Daha əvvəl Taşjarqanovun anası oğlunun növbəli işdə çalışmaq üçün Rusiyaya getdiyini, lakin daha sonra Rusiya qoşunlarının tərkibində olduğunu bildirmişdi. Onun sözlərinə görə, oğlunu Rusiya Müdafiə Nazirliyi ilə müqavilə imzalamağa məcbur ediblər. Qadın oğlunun ölkəyə qaytarılmasına kömək göstərilməsi üçün Qazaxıstan hakimiyyətinə müraciət edib.

Hazırda Rusiya tərəfində Ukraynaya qarşı döyüşən Qazaxıstan vətəndaşlarının dəqiq sayı rəsmi olaraq müəyyən edilməyib. Bununla belə, Ukraynanın dövlət layihəsi “Xoçu jit” daha əvvəl ən azı 2 389 Qazaxıstan vətəndaşının Rusiya Müdafiə Nazirliyi ilə müqavilə imzaladığını bildirib. Layihənin məlumatına görə, ümumilikdə Mərkəzi Asiya ölkələrinin 12 mindən çox vətəndaşı Rusiya ordusuna cəlb edilmiş ola bilər.

GUNAZ.TV

SON XƏBƏRLƏR