Moskva Qərbin sanksiyalarından qorxurmu? Avropa Birliyi Gürcüstan böhranına görə Rusiyaya qarşı sanksiyaların tətbiq edilməsi məsələsini nəzərdən keçirməyə hazırlaşır. Bu barədə hazırda Birliyə prezidentlik edən Fransanın xarici işlər naziri Bernar Kuşner bildirib. O, Gürcüstana yardım etmə yollarını, eləcə də Rusiya ilə münasibətlərin yenidən baxılmasını müzakirə etmək üçün gələn həftə Avropa Birliyinin fövqəladə görüşünə çağırıb. Bəs Rusiyaya qarşı bütün bu addımlar və xəbərdarlıqlar Moskva tərəfindən necə qarşılanır? Sanksiyalar ehtimalı və ölkəyə qarşı atıla bilən digər potensial tədbirlər Kremli narahat edirmi? Rusiyalı yazıçı və jurnalist, sabiq prezident Boris Yeltsinin müşaviri olmuş Aleksandr Nekrasov bu suallara belə cavab verir: Cavab: Düşünmürəm ki, Kremldə bununla bağlı bir narahatlıq var. İlk öncə, müharibə qələbə ilə başa çatdı və ruslar buna çox sevinirlər. Rusiya da məhz bunu, yəni, münaqişənin qısa, cəld və zəfərli olmasını istəyirdi - ilk növbədə, xaricə yox, ölkənin özündə güclü təəsürat yaratmaq üçün. Çünki vəziyyər Rusiyada o qədər də yaxşı deyil. İkincisi, siz beynəlxalq reaksiyadan danışırsınız, amma Rusiya da şərhlər alır - Çindən, digər ölkələrdən və zənn etmirəm ki, prezident Medvedev və baş nazir Putinin masaları üzərinə gələn bu şərhlər tənqidi xarakter daşıyır. Sual: Onda belə çıxmır ki, dəstək verənlər, məsələn, Krım və ya Dnestryanı kimi məsələlərdə də eyni mövge tuta bilərlər? Cavab: Bir tərəfdən, Kremldə bəziləri "hə, bu müharibə bizim üçün uğurlu oldu, gəlin indi başqa məsələyə girişək" deyə bilərlər. Digər tərəfdən isə, hərbi ekspertlər, məncə, rəhbərliyi xabərdar edə bilərlər ki, bu müharibədə heç də hər şey hamar, yüksək hərbi səviyyədə olmamışdır: köhnəlmiş hərbi avadanlıq, dəqiq planın olmaması, komandanlıq-nəzarət sistemi zəif idi və sairə nöqsanlar var idi. Yəni, hərbiyyə bir başa rəhbərliyə bunu bəyan etməsə də, eyham vuracak ki, bir qədər fasilə lazımdır. Sual: Bəs bu müharibənin Rusiyanın iqtisadiyyatına nə kimi təsiri ola bilər - son həftələr xarici investorların Rusiyanı tərk etməsi müşahidə olunur. Cavab: Mən sizə bir sirr açım: Rusiya rəhbərliyi və rus biznesmenləri xarici sərmayelərdə maraqlı deyirlər. İnvestisiyalar, əslində, pulların haraya xərcləndiyinə dair nəzarət deməkdir, rus biznesi isə sərmaye pullarını istədikləri kimi xərcləməyi sevirlər. Yəni, zənn etmirəm ki, xarici kapital ölkəni tərk etdiyinə görə, Rusiya göz yaşları tökəcək. Başqa investorlar gələcək - Rusiya kimi ehtiyatlarla zəngin bir ölkə həmişə cəlbedicidir. Sual: Yəni, buna görə də Rusiya beynəlxalq tənqidlərə məhəl qoymur? Cavab: Kremldə fikirləşirlər ki, axı biz onları enerji ilə təchiz edirirk, onlar bizə nə edə bilər? Heç nə! Və mən, bu yaxınlarda yüksək vəzifəli Kreml rəsmilərindən birindən "bəs indi sizin xarici siaysətiniz nə olacaq" soruşanda o, qısaca olaraq "neft və qaz" cavab verdi.