İlkər Başbuğ Türkiyə Silahlı Qüvvələrinin Baş Qərargah rəisi vəzifəsinin icrasına başlayıb

SON XƏBƏRLƏR

İlkər Başbuğ Türkiyə Silahlı Qüvvələrinin Baş Qərargah rəisi vəzifəsinin icrasına başlayıb

2021.10.20, 07:36

Gunaz.tv

İlkər Başbuğ Türkiyə Silahlı Qüvvələrinin Baş Qərargah rəisi vəzifəsinin icrasına başlayıb

Ankara-APA. Türkiyə Silahlı Qüvvələrinin Baş Qərargah rəisi Yaşar Böyükanıt postunu rəsmi şəkildə ordu generalı İlkər Başbuğa təhvil verib. APA-nın məlumatına görə, təhvil-təslim prosesindən sonra çıxış edən yeni baş qərargah rəisi Türkiyənin unitar dövlət quruluşu, dini təriqətlər, demokratiya, Avropa İttifaqı və ABŞ-la münasibətlər mövzusunda bəzi bəyanatlar verib. İlkər Başbuğ cəmiyyətin bir hissəsinin dini düşüncələrə əsaslanan həyat tərzi keçirməyə başladığından narahatlıq keçirdiyini ifadə edib və dini təriqətlərin dövlətin müxtəlif strukturlarında təşkilatlanma prosesini davam etdirdiyini təhlükəli məqam kimi qiymətləndirib. O, təriqətlərin dövləti gizli yolla ələ keçirmə cəhdlərinin cəmiyyəti zəiflətdiyini vurğulayıb. Türkiyə Silahlı Qüvvələrinin Baş Qərargah rəisi postunun təhvil-təslim edilməsinə həsr olunmuş mərasimə dövlət rəsmiləri ilə yanaşı, Şimali Kipr Türk Cümhuriyyətinin prezidenti Mehmet Əli Talat, sabiq prezident Rauf Denktaş, “Fənərbaxça” klubunun prezidenti Əziz Yıldırım, sabiq baş qərargah rəisi Hilmi Özkök NATO Hərbi Şura Komitəsinin rəhbəri general Giampaolo Di Paola və başqaları da qatılıb. Qeyd edək ki, 1943-cü ildə Afyonqarahisarda anadan olan İlkər Başbuğ Türkiyə Silahlı Qüvvələri Baş Qərargahının sayca 26-cı rəisidir. Türkiyə Quru Qoşunları Hərbi Akademiyasını bitirən İlkər Başbuğ həmçinin İngiltərə Kral Hərbi Akademiyasında və NATO Müdafiə Kollecində təhsil alıb. Türkiyə ordusunda ən müxtəlif vəzifələrdə çalışmış yeni baş qərargah rəisi Türkiyə Milli Təhlükəsizlik Şurasının katibi də olub. Ali Hərbi Şuranın qərarı ilə 2008- ci il avqustun 4-də Türkiyə Silahlı Qüvvələri Baş Qərargahının rəisi seçilib. Evli olan İlkər Başbuğun iki övladı var. apa

GUNAZ.TV

SON XƏBƏRLƏR