RUSİYANI NECƏ DAYANDIRMALI?

SON XƏBƏRLƏR

RUSİYANI NECƏ DAYANDIRMALI?

2021.10.20, 07:36

Gunaz.tv

RUSİYANI NECƏ DAYANDIRMALI? ABŞ-ın Gürcüstandakı keçmiş səfirləri Azərbaycan da daxil olmaqla, qonşu ölkələrdə demokratiyanın inişafını başlıca amil hesab edirlər

Rusiya-Gürcüstan münaqişəsi başlanandan bəri Qərb mətbuatında dərc olunan məqalələrin böyük əksəriyyətini ümumi bir cəhət birləşdirir. Məqalələrin çoxunun sərlövhəsi sual şəklindədir və bütün müxtəlifliyinə baxmayaraq bu sualları Leninsayağı bir sualda birləşdirmək olar: nə etməli? Amerikanın Gürcüstandakı keçmiş səfirləri Vilyam Kortni və Kennet Yalovitsin “Washington Post” qəzetində birgə dərc etdikləri məqalə də istisna təşkil etmir. Məqalə “Rusiyanı necə dayandırmalı?” adlanır. Müəlliflər yazırlar ki, indi çoxları Rusiyanı Gürcüstana müdaxilə etdiyi üçün necə cəzalandırmaq barədə düşünürlər, halbuki başlıca məqsəd intiqam almaq yox, Rusiyanın təcavüzünün qarşısını almaqdır. “Çünki Moskvanın məqsədi təkcə Mixail Saakaşvilini devirmək yox, həm də keçmiş Sovet dominionu olan yaxın qonşuların gözünün odunu almaqdır”. Məqalə müəlliflərinin fikrincə, Qərb üç istiqamət üzrə işləməlidir: Amerika və Avropa Moskvaya sərt, lakin məqsədyönlü cavab verməlidir. Bu isə uzun müddət Rusiyanın Gürcüstan kimi qonşularını möhkəmləndirmək, lakin Moskva ilə qapıları açıq saxlamaqla əldə oluna bilər. Amerika və NATO-nun köməyi ilə Rusiyaya qonşu ölkələrin müdafiə qabiliyyətləri, öz ərazi bütövlüklərini və müstəqilliklərini qorumaq qüdrəti artırıla bilərdi. Təcavüzlərin qarşısının alınması üçün bu regionda inteqral hava və yerdə müdafiə, kəşfiyyat və müşahidə alətləri, limanların və nəqliyyatın təhlükəszliyinin artırılması daha çox iş görmüş olardı. Gürcüstan və regionun başqa ölkələri NATO üzvü olmasalar da, onların müdafiə sistemlərinin Amerika və NATO ilə sıx birliyinə nail olunması, Moskvanı Qərbin gələcək təcavüzlərə mümkün reaksiyası barədə qeyri-müəyyənlikdə saxlayardı. Diplomatlar yazırlar ki, Gürcüstanın qonşuları, eləcə də Mərkəzi Asiya ölkələri Rusiyanın Gürcüstanın başına gətirdiklərinə laqeyd baxmamalıdırlar, çünki növbəti qurban onlar ola bilər. Müəlliflər qeyd edirlər ki, ən mühüm amil Rusiyanın qonşusu olan ölkələrdə demokratiyanın inkişafının zəruri olduğunun başa düşülməsi olardı. “Rusiya özündən qat-qat zəif qüvvəni əzməklə taktiki qələbə qazanıb, lakin sonunda bu hadisə Rusiyanın qonşularını cəzalandırmaq qabiliyyətini məhv edəcək qüvvələri hərəkətə gətirəcək”. Siyasət şöbəsi musavat

GUNAZ.TV

SON XƏBƏRLƏR