Milli birliyə doğru! Bildiri(1) Milli birliyə doğru! Bildiri (1) Hörmətli soydaşlar! Hörmətli Güney Azərbaycan milli hərəkəti fəalları! 3 July tarixində Güney Azərbaycan milli hərəkətinin simbolu haqda müraciətin yayımlanmasından sonra mövzü milli fəallar arasında ən ciddi mübahisə məzmununa çəvrilmişdir. Önərilən simbol ətrafinda bir çöx müsbət görüşlərlə yanaşı bəzi tənqidli görüşlər də olmuşdur. Bütün bunları diqqətə alaraq sürən prosess olduqca təbii görülməkdədir. Özəlliklə tənqidli görüşlərin ortaya çıxması və mübahisə mözüsüna çevrilməsi mövzünün gəlişməsi doğrultusunda faydali və vacib hesab edilməkdədir. Bu aşamada mübahisələrin möhtəvasını nəzərə alaraq bəzi önəmli sanılan nöqtələrə toxunmağı yerli görürük: 1- 1813 və 1828 illərində milli məfkürədən yoxsun olan Türk Qacar hakimiyyətinin iqtidarsızlığı və Rus hakimiyyətinin qəddar siyasətləri sonucunda tarixi torpaqlarımız ikiyə bölünmüşdür. Beləliklə Azərbaycanın iki hissəsi ortaq soy, din, dil, tarix, ənənə və başqa ortaq faktorlara sahib olduğuna rəğmən iki dəyişik siyasi atmosfer yaşamağa məcbur qalmışdır. Bununla belə təbii olaraq, uluslararası tanınmış qanunlara görə vətənimizin quzey və güney bölmələrində gedən siyasi, iqtisadi, kulturəl və başqa prosessləri bunların bir - birisinə tətbiq etmək mümkün deyildir. Əlbəttə ki, əcdadi və tarixi yurdumuzun ikiyə bölünməsi olduqca acıdır, amma bildiyimiz bir çox nədənlərə görə hələlik ayrılıq həsrətiylə yaşamalıyıq. Bu gün Güney Azərbaycan milli hərəkəti içində yerləşən və qalıb çoxunluq təşkil edən fəal şəxs və qrupların əsasi istəklərindən birisi ikiyə parçalanmış Azərbaycanın bütövləşməsi olmuşdur. Hamımızın bildiyi kimi bu asan iş deyildir. Amma çeşidli faktorların içində millətlərin istəyi ən önəmli və ciddi rolu oynamaqdadır. Bu arada bütöv Azərbaycan ideyasi ilə tanınan və bu düşüncəni özündə əks etdirən simbol tərhinin önərilməsi böyük və önəmli stratejik olay sayıla bilər. 2- Önərilən simbol haqqında gərçəkləşən mübahisələrin bir hissəsi də milli şəxsiyyətlərimizdən olan rəhmətlik Elçi bəy ilə ilgili olmuşdur. Rəhmətlik Elçi bəy ay və ulduzu qara rəngdə olan tərhin "BAB" təşkilatı tərəfindən yayımlanan "Müxtəsər Azərbaycan Tarixi" kitabında çap olunması ilə razılaşmışdır. O rəhmətliyin həm də tərhin köksündəki qara ay və ulduzun təfsirindən xəbəri olmuşdur. Bizcə milli - siyasi liderlərimizdən olan rəhmətlik Elçi bəyin sözü gedən tərhin yayımlanması ilə razılaşması mövzüsü böyük əhəmmiyyət daşıyır, ancaq onərilən simbol Güney Azərbaycan milli hərəkəti içində yerləşən milli fəalların çoxunluğunun qəbulluğu ilə təsbit ola bilər. 3- Güney Azərbaycan milli hərəkətinin bugünkü durumunu nəzərdə tutaraq simbol üçün yeni tərhlərin önərilməsi yeni ixtilaflar qaynağı olacağına inanırıq. Bu önəmli mövzüya milli simbol haqqında yayımlanan müraciətdə toxunduğumuz kimi burada bir daha vurğulayırıq. Xatırlatmaq istəmədiyimiz amma hamımızın bildiyi səbəblərə görə bugünkü durumumuzda hər hansı milli məsələ üzərində düzgün və həqiqi mənada sistemli danışıqların aparılması olası deyildir. Bu məsələ ilə yanaşı bu danışıqlar prosessinə nəzarət edib və onları idarə edəcək heç bir mekanizm də arada mövcüd deyildir. Bu önəmli olan faktorları göz önünə alaraq yeni simbol tərhlərinin asanlıqla uğur qazana biləcəyinə inanmaq çətindir. Hər kəs yeni tərh önərmək istədiyi bir ortamda -ötən günlərdə bəzi milli fəalların yeni və çeşidli tərhlər önərmələri iddiamızı isbatlamaqdadır- yüzlər insanın yüzlər önərisinin arasında birisinin üzərində razılaşmaq qeyri mümkün görülməkdədir. Hər kəsin önərdiyi tərhinin qəbul olunması istəyini də nəzərdə tutduğumuzda bu məsələnin mümkünsüzlüyü qabarılmaqdadır. Əslində milli fəal, qrup və təşkilatlar arasında inkar edilməz və var olan lazımsız - yersiz rəqabətlər hər hansı simbol tərhinin birləşdirici rolu qarşısında böyük mane kimi görülməkdədir. Bütöv Azərbaycan Birliyi "BAB" nəşriyyatı tərəfindən yayımlanan "Müxtəsər Azərbaycan tarixi" kitabında dərc olunan tərhin önərilməsi, ehtimali yeni ixtilafların yaranmasının ciddi olaraq qarşısını ala bilmişdir. Önərilən tərhin günümüzdəki fəal olan təşkilatlarımıza mənsub olmaması hər hansı mənfi rəqabətə səbəb olmamışdır. Bu açıdan bəzi şəxs ya qrupların hər hansı səbəbə görə mövzünü hər hansı qrup ya təşkılata bağlama cəhdləri də əsərsiz qalmışdır. Təəssüflər olsun ki, əldə olunan mələmata görə bəziləri yalnız şəxsi münasibətlər üzündən önərilən milli simbol tərhini yalnış olaraq bəzi təşkilatlara bağlamaq ilə milli fəallar və təşkilatlar arasında saxta və mənfi rəqabətlər yaratmaq istəyirlər! Biz bütün milli inanclı və milli şuurlu fəallarımıza səslənirik: Önərilən milli simbol 1999 ilində "BAB" təşkilatı tərəfindən yayımlanan "Müxtəsər Azərbaycan Tarixi" kitabında dərc olunmuşdur. Bununla belə hər hansı qrup və ya təşkilat öz mənafeyi doğrultusunda bu simbol tərhindən necə su istifadə edə bilər?! Biz bu əsasda irəli sürülən hər hansı iddianı içi boş, yalan, ağıl və məntiqdən uzaq təxrib mahiyyətli iddialar hesab edirik. 4- Bəzi hörmətli fəallarımız önərilən simbol tərhinin köksündəki ay və ulduzun qara rəngli olmasını tənqid etmiş və bunun qurur gətirməyəcəyini işarət etmişlər. Bizcə azadlıq və istiqlalı olmayan millətin güvənməyə heç nəyi yoxdur. Qoy bütün dünya Güney Azərbaycan Türkünün Fars şövnizminin əsarətində olduğunu onun milli simbolundan da belə duysun. Bundan öncə yayımlanan müraciətdə deyildiyi kimi simbolun üzərindəki qara rəng ötəri olaraq yalnız Azərbaycan Türkünün Fars şövnizminin əsarətində olduğunu göstərməkdədir. Bu elmi - nəzəri baxımdan isə doğru görülməkdədir. 5- Günümüzün çox həssas tarixi və siyasi durumunu diqqətə alaraq Güney Azərbaycan milli hərəkəti içində fəaliyyət aparan bütün şəxs, qrup və təşkilatlarımızın səmimiyyətlə bir - birinə yaxınlaşmaları ciddi zərürüt kimi vurğulanmaqdadır. Bu açıdan önərilən simbol ətrafında gərçəkləşən mübahisələrdə hamının şəxsi və təşkilatı çıxarlar deyil, Güney Azərbaycan milli mənafeyi açısından çıxış etməsini rica edirik. Bu gün Güney Azərbaycan milli hərəkətinin fikri - siyasi baxımdan yetərincə yetkinlik sahibi olduğunu iddia ediriksə, ona görə də hər hansı milli məsələ üzərində ziyanlı və təxribçi metodlardan uzaq insaf, bilgi və məntiqə söykənəli çıxış etməyi bacarmalıyıq. Ulu millətimizin azadlığı və zəfəri diləyi ilə! Simbol önərisi müraciətini hazırlayan; Bir qrup müstəqil milli fəallar tərəfindən Güney Azərbaycan 2008/Aug/22 http://butovaz.info/index.php?option=com_content&task=view&id=1802&Itemid=1