Bənazir Bhuttonun həyat yoldaşı Asif Əli Zərdari Pakistanın yeni prezidenti ola bilər

SON XƏBƏRLƏR

Bənazir Bhuttonun həyat yoldaşı Asif Əli Zərdari Pakistanın yeni prezidenti ola bilər

2021.10.20, 07:36

Gunaz.tv

Bənazir Bhuttonun həyat yoldaşı Asif Əli Zərdari Pakistanın yeni prezidenti ola bilər

Pakistanın hakimiyyətdə olan Pakistan Xalq Partiyası liderləri Asif Əli Zərdarinin birmənalı qaydada Pərviz Müşərrəfi əvəz etməsini məqbul hesab ediblər Pakistanın hakimiyyət başında olan Pakistan Xalq Partiyası liderləri keçmiş Baş nazir Bənazir Bhuttonun həyat yoldaşı Asif Əli Zərdarinin ölkənin yeni prezidenti olması barədə təklifi təsdiqləyiblər. Partiyanın nümayəndəsi Şeri Rəhmanın sözlərnə görə, partiya rəhbərliyi birmənalı qaydada Zərdarininin Pərviz Müşərrəfi əvəz etməsini məqbul hesab edir. Bundan əvvəl isə Mərkəzi Seçki Komissiyası federal və əyalət deputatlarının artıq sentyabrın 6-da ölkənin yeni prezidentini seçəcəyini bəyan edib. Amma Pakistanda Pərviz Müşşərrəfin prezident postundan istefa verməsi də hökumətdə koalisiyadaxili çəkişmələri səngitməyib. Liderlərin dil tapmamasına səbəb kimi bu dəfə də vəzifələrindən uzaqlaşdırılmış hakimlər göstərilir. Koalisiyada təmsil olunan digər lider Nəvaz Şərif hökumətə Pərviz Müşərrəfin vəzifələrindən uzaqlaşqdırdığı hakimlərin geri qaytarılması istiqamətində təzyiq edir. Pakistan Müsəlman Liqasının lideri Nəvaz Şərif hələ avqustun 22-ə qədər hakimlərin öz postlarına bərpa edilmədiyi təqdirdə koalisiyadan çıxacağını bəyan etmişdi. Lakin hər iki düşərgənin liderləri arasında danışıqlardan sonra Nəvaz Şərif qoyulan müddəti avqustun 27-ə qədər uzatmağa razılıq verib. Bununla belə, qarşı tərəf avqustun 27-nin son tarix kimi qəbul edilməsini düzgün hesab etmir. Belə ki, onlar prosesdə bir-iki günlük gecikmələrin də müşahidə oluna biləcəyini deyirlər. Qeyd edək ki, Nəvaz Şərif hakimlərin geri qaytarılmamasına görə Asif Əli Zərdarini günahlandırır. Onun sözlərinə görə Zərdari, Pərviz Müşərrəfin istefasından ən azı 24 saat sonra hakimləri öz vəzifələrinə geri qaytaracağı barədə söz versə də, hələ də bu istiqamətdə tədbirlər görülməyib. Nəvaz Şərif ölkənin Baş nazirinin adi sərəncamının belə hakimlərin səlahiyyətlərini bərpa edə biləcəyini və bu istiqamətdə ləngimələri başa düşə bilmədiyini deyir. Asif Əli Zərdari isə bunun üçün konstitusiyaya əlavələrin edilməsini vacib sayır. Xatırladaq ki, hakimləri vəzifəsindən Pərviz Müşərrəf uzaqlaşdırmışdı. Daha sonra parlament seçkisində çoxluğu əldən verən Müşərrəf impiçment təhlükəsindən ehtiyat edərək istefa verib./ANS TV/

GUNAZ.TV

SON XƏBƏRLƏR