İran rejimi Arazın sahilində kürdlər üçün şəhər salır Tekin Maharlı: "Fars şovinistləri Güney Azərbaycanın qərb bölgəsinin demoqrafik vəziyyətini kürdlərin xeyrinə dəyişdirmək istəyir" Hazırda Güney Azərbaycanda tarixi torpaqlarımıza qarşı kürd iddiaları gündəmi məşğul etməyə başlayıb. 1979-cu il İran İslam İnqilabından sonra Azərbaycan adının sənədlərdən silinməsi və Güney Azərbaycanın müxtəlif hissələrə bölünərək parçalanması istiqamətində çirkin siyasətin ardınca, Qərbi Azərbaycan vilayətinə kürdlərin yerləşdirilməsi bölgədə vəziyyəti acınacaqlı vəziyyətə salıb. Hazırda Amerikada mühacirətdə yaşayan Güney Azərbaycan Milli Hərəkatının fəallarından olan Tekin Maharlı deyir ki, Güney Azərbaycan Milli Hərəkatı kürd problemilə bağlı ciddi fəaliyyət göstərmir. Turqut Çünki hələlik bəzi hərəkatçılar siyasi fəaliyyətdən daha çox mədəni yola üstünlük verirlər: "Bildiyiniz kimi, kürdlər Qərbi Azərbaycana bilərəkdən yerləşdirilib. Ümumiyyətlə, kürdlər özlərinə qapanmış kimidirlər, çox bağlı atmosferdə yaşayırlar, ona görə də mədəni baxımdan yeniləşə bilməyib, bu modernləşməyi Azərbaycan bölgələrində komplekslərini aradan aparmaqda görürlər. Özlərini başqa xalqların mədəniyyətləri ilə təkmilləşdirmək niyyətindədirlər. Üstəlik, qaçaqmalçılıq imkanı Qərbi Azərbaycanda daha çoxdur və kürdlər buradan rahat şəkildə Türkiyəyə gedib-gələ bilirlər". Onun sözlərinə görə, ermənilərlə kürdlərin dünyagörüşləri və vətən anlayışları bir-birlərinə çox yaxındır. Çünki onların hər ikisi də haraya yerləşsələr, az bir müddət sonra ora sahib çıxıb "bura bizimdir" iddiasını irəli sürürlər: "Kürdlərin Qərbi Azərbaycana yerləşdirilməsində ən əsas məqam İran rejiminin siyasətidir. Fars şovinistləri çox çirkin planlarını gerçəkləşdirərək Güney Azərbaycanın qərb bölgəsinin demoqrafik göstəricilərini özünün və kürdlərin lehinə dəyişdirmək istəyir: "Fars rejimi dağlarda yaşayan kürdlərə Araz çayının qırağında, yəni Quzey və Güney Azərbaycanın sərhəddində kiçik bir şəhər tikməklə millətimizi, Güney Azərbaycanı və Azərbaycan Respublikasını daha artıq bir-birindən ayırmaq niyyəti güdür. Araz çayı kənarında yerləşən Poldəşt şəhərinin 20-25 km şərq tərəfində son illərdə Miladşəhr (Şəhrəke-Milad) adlı kürdlərə tikilən balaca şəhəri görə bilərsiniz. Bu şəhərin sakinlərinin bir çoxu orada yaşamaq istəmir, çünki orada mal-qara saxlamaq çətindir. Bu balaca şəhərdə kürdlər mal-qaralarını öz yaşadıqları evin içərisində bəsləyirlər. Hər halda belə kürd şəhərlərinin tikintisi Qərbi Azərbaycanda artmaqdadır". Tekin Maharlı bildirir ki, kürdlərin Azərbaycan torpaqlarına yerləşdirilməsi kürd terror təşkilatlarının dəstəyi və planı ilə də həyata keçirilir: "İllərdir bölgədə kürd terror təşkilatları, o cümlədən PKK, PEJAK, KOMOLA öz terror fəaliyyətlərini davam etdirir, öz varlıqlarını müxtəlif yönlərdən faydalanaraq dünyaya isbat etmək istəyirlər və bu haqda bir çox uydurma xəritələrdə Azərbaycan torpaqlarını öz əraziləri kimi göstərərək hətta Azərbaycanın tarixi şəxsiyyətlərini belə kürd kimi dünyaya tanıtdırmağa cəhd edirlər. Beləliklə, Azərbaycanın torpaqlarına yiyələnmək fikrində olmaları danılmaz bir həqiqətdir. Qərbi Azərbaycanda kürd qadınlarını çox uşaq dünyaya gətirməyə belə təhrik və təhdid edən kürd terrorçuları Azərbaycan vilayətilə bağlı çox geniş planlarının olduğunu ortaya qoyurlar. Biz Azərbaycan türkləri Qərbi Azərbaycan vilayətində kürd problemilə qarşı-qarşıyayıq. Qərbi Azərbaycanda kürd mühacirlərin sayının artmasına və bölgədə kürdləşdirmə ilə bağlı bütün fəaliyyətlər nəzarət altına alınmalıdır. İsmail Simitkonun başçılıq etdiyi dəstələrin Urmu, Xoy, Salmas, Sulduz, Maku bölgələrində törətdikləri cinayətləri, Azərbaycanın tarixi torpaqlarının bundan artıq bölünməsini və Xocalı faciəsini təkrarən yaşamaq istəmiriksə, Güney Azərbaycanda kürd məsələsini daha artıq ciddiyə alıb lazım olan tədbirləri indidən görməliyik". xalqcebhesi