Contact Us

SON XƏBƏRLƏR

MİXAİL SAAKAŞVİLİ CƏNUBİ OSETİYA PROBLEMİNİN HƏRBİ YOLLA HƏLLİNƏ SƏRƏNCAM VERİB

2021.10.20, 07:36
MİXAİL SAAKAŞVİLİ CƏNUBİ OSETİYA PROBLEMİNİN HƏRBİ YOLLA HƏLLİNƏ SƏRƏNCAM VERİB

Gunaz.tv
MİXAİL SAAKAŞVİLİ CƏNUBİ OSETİYA PROBLEMİNİN HƏRBİ YOLLA HƏLLİNƏ SƏRƏNCAM VERİB saakashvili_5.gif Gürcü-osetin münaqişə bölgəsində baş verən silahlı qarşıdurmalar nəticəsində ölən və yaralananlar olub. Separatçı Cənubi Osetiya rejimi ölən və yaralıların sayının artıq olduğunu, bir neçə kəndin isə gürcü hərbçiləri tərəfindən tutulduğunu iddia etsə də, rəsmi Tilfis zərərçəkənlərin sayının təqdim edildiyi qədər çox olmadığını bildirir. Azərbaycan İctimai Televiziyasının Gürcüstandakı xüsusi müxbiri Təhməz Təhməzovun verdiyi məlumata əsasən bu səhər baş nazir Lodo Qurqenidze mətbuat konfransı keçirərək, münaqişə bölgəsində hərbi əməliyyatların başlandığını təsdiqləyib. Hər iki tərəfdən ölən və yaralıların olduğunu bildirib. məlumatlara görə, digər separatçı qurumlar da rəsmi Tiflisin bu addımından təşvişə düşüb. Artıq separatçı Abxaziya rejimi Cənubi Osetiya separatçılarına yardım üçün qüvvələri səfərbər etdiyini açıqlayıb. Münaqişə zonasındakı Rusiya sülhməramlıları Gürcüstanın hərbi təyyarələrinin Osetiya səmasında manevr etdiyini bildirib. Gürcüstan prezidenti Mixail Saakaşvili isə ölkənin ərazi bütövlüyünün təminatı ilə bağlı sərəncamı verib. Separatçı qurumu təcili atəşi dayandırmağa çağıran Gürcüstan prezidenti Cənubi Osetiyaya muxtariyyət verməyə hazır olduğunu deyib. Bunula da rəsmi Tilfis separatçı qurumu danışıqlar masasına dəvət edərək, bölgədəki vəziyyəti daha da gərginləşdirməməyə çağırıb. Vəziyyətdən narahatlığını BMT-nin baş katibi Pan Qi Mun və dünya dövlətləri də ifadə edib. BMT-nin baş katibi tərəfləri vəziyyəti daha da gəginləşdirməməyə, münaqişə bölgəsindəki vəziyyətin bütün regionu təhlükə altında qoymaması üçün təcili olaraq atəşi dayandırmağa çağırıb. Separatçı qurum Rusiyanın da yardımı ilə BMT Təhldükəsizlik Şurasının fövqladə iclasını çağırıb. Separatçıların adından quruma Rusiyanın BMT-dəki daimi nmayəndəsi Vitali Çurkin müraciət edib. ABŞ isə baş verən hadisələrə görə Cənubi Osetiyanı ittiham edib. ABŞ dövlət katibinin müavininin Avroasiya məsələləri üzrə köməkçisi Metyu Brayza bildirib ki, rəsmi Vaşinqton hazırda atəşkəsin bərpası üçün danışıqlar aparır. «Biz Gürcüstan prezidentinin atəşi dayandırmaq barədə əmrindən sonra da Cənubi Osetiyanın atəş açmasını pisləyirik. Anlayırıq ki, Gürcüstan rəhbərliyi öz vətəndaşlarını qorumalıdır, buna baxmayaraq yenə də atəşkəs elan etməyə və konstruktiv dialoqu bərpa etməyə çağırırıq»- Metyu Brayza belə deyib. /İctimai TV/

SEÇİLMİŞ XƏBƏRLƏR

Çox oxunanlar