TÜRKİYƏ UNİVERSİTETİNDƏ ERMƏNİ DİLİ FAKÜLTƏSİ AÇILIR

SON XƏBƏRLƏR

TÜRKİYƏ UNİVERSİTETİNDƏ ERMƏNİ DİLİ FAKÜLTƏSİ AÇILIR

2021.10.20, 07:36

Gunaz.tv

TÜRKİYƏ UNİVERSİTETİNDƏ ERMƏNİ DİLİ FAKÜLTƏSİ AÇILIR

Türkiyə Prezidenti Abdulla Gül Ermənistanla münasibətllərin normallaşması və həmin ölkənin regional layilərdə iştirak edə bilməsi üçün Yerevanın da bölgədəki problemlərin sülh yolu ilə həlli istiqamətində addımlar atması və region ölkələrinin ərazi bütövlüyünü tanımasının zəruri olduğunu bildirib. Bu arada, Türkiyənin Ali Təhsil Qurumu Nevşəhir Universitetində Erməni dili və ədəbiyatı fakültəsinin açılmasına icazə verib. Türkiyə prezidenti Abdulla Gül və ölkənin Xarici İşlər Nazirliyi Ermənistan prezindenti Serj Sarkisyanın Ermənistan-Türkiyə futbol matçını Yerevanda birlikdə izləmək məqsədi ilə Gülə ünvanlandığı dəvətlə bağlı məsələləri araşdırırlar. Bu barədə Abdula Gül Türkiyədə çıxan “Sabah” qəzetinə verdiyi müsahibədə bildirib. Prezident Gül qeyd edib ki, Ankara ölkə daxilindəki problemləri həll etməyə çalışdığı kimi, Türkiyə hüdudlarından kənardakı problemlərin də öz həllini tapması üçün səy göstərir. Abdulla Gülün sözlərinə görə, Türkiyə bölgədə heç kimlə, o cümlədən Ermənistanla da düşmənçilik etmir. O, xatırladıb ki, əlaqələrin olmadığı halda minlərlə erməni Türkiyəyə gəlir, hətta burada işləyir. Amma problemlərin həlli təkcə Türkiyənin səyləri ilə mümkün deyil. Abdulla Gülün sözlərinə görə, Bakı-Tbilisi-Qars dəmir yolu layihəsi ilə bağlı Ermənistana da müraciət edilib, başqa böyük layihələrə də qoşula bilərlər. Amma, bunun üçün Ermənistanın da üzərinə bəzi vəzəfələr düşür. Türkiyə prezidenti hesab edir ki, bölgədəki problemlərin sülh yolu ilə həll edilməsini təmin edəcək addımları hamı atmalıdır. Abdulla Gül bildirib ki, Ermənistan bölgədəki bütün ölkələrin ərazi bütövlüyünü tanımalıdır. Bu arada, Türkiyənin Nevşehir Universitetində Erməni dili və ədəbiyyatı şöbəsinin açılacağı bildirilir. Yerli kütləvi informasiya vasitələrinin yazdığına görə, Türkiyənin Ali Təhsil Qurumu Xarici İşlər Nazirliyinin məsələ ilə bağlı rəyini öyrəndikdən sonra şöbənin açılmasına icazə verib. Təşəbbüsün müəllifi kimi çıxış edən Ədəbiyyat Fakültəsinin dekanı Mətin Hülagü hesab edir ki, şöbənin açılması həm Yerevanla münasibətləri yumşaldacaq, həm də Türkiyədə Ermənistan sahəsində mütəxəssislərin yetişməsinə xidmət edəcək. Gələn il fəaliyyətə başlaması nəzərdə tutalan şöbəyə ilk mərhələdə 20 tələbənin qəbul edilməsi planlaşdırılır. Universitet Erməni dili və ədəbiyyatı şöbəsində dərs demək üçün Ermənistan və hətta Azərbaycanda mütəxəssis axtarmaq niyyətindədir. versiya

GUNAZ.TV

SON XƏBƏRLƏR