Pekin Olimpiadasının qalibi olacaq Azərbaycan idmançısı 600 min manat mükafat alacaq

SON XƏBƏRLƏR

Pekin Olimpiadasının qalibi olacaq Azərbaycan idmançısı 600 min manat mükafat alacaq

2021.10.20, 07:36

Gunaz.tv

Pekin Olimpiadasının qalibi olacaq Azərbaycan idmançısı 600 min manat mükafat alacaq

Azərbaycanın dövlət başçısı və Milli Olimpiya Komitəsinin prezidenti İlham Əliyev bu gün 2008-ci il Pekin Yay Olimpiya Oyunlarında iştirak edəcək ölkəmizin nümayəndə heyətini qəbul edib. Görüş barədə “APA-SPORT” agentliyinə Bakı şəhər Gənclər və İdman Baş İdarəsinin rəisi Raqif Abbasov məlumat verib. Görüşdə Pekin Olimpiadasına yollanacaq idmançılarımız, yığma komandalarımızın məşqçiləri, federasiya prezidentləri, Milli Olimpiya Komitəsinin İcraiyyə Komitəsinin üzvləri, Gənclər və İdman Nazirliyinin rəsmiləri, digər rəsmi şəxslər iştirak ediblər. Əvvəlcə gənclər və idman naziri Azad Rəhimov hesabat xarakterli məruzə ilə çıxış edib. Nazir Pekin Yay Olimpiya Oyunlarına hazırlıq üçün bu il 3 milyon 150 min manat vəsaitin xərcləndiyini və bu məbləğin müstəqil ölkə kimi ilk dəfə təmsil olunduğumuz 1996-cı Atlanta Olimpiadası ilə müqayisədə 7,4 dəfə çox olduğunu vurğulayıb. A.Rəhimov Pekinə yollanacaq 10 növ üzrə 44 idmançı arasında ilk dəfə atçılıq və bədii gimnastikanın qrup hərəkətlərinin də olacağını söyləyib. Nazir idmançılarımız arasında Bakı ilə yanaşı, Sumqayıt, Gəncə, Lənkəran və İmişli təmsilçilərinin yer aldığını diqqətə çatdırıb. O, Pekindəki Olimpiya şəhərciyində Azərbaycan bayrağının avqustun 7-də qaldırılacağını, bundan üç gün sonra Avropa Olimpiya Komitəsi rəsmiləri və digər yüksək səviyyəli qonaqların iştirakı ilə Azərbaycan gününün keçiriləcəyini açıqlayıb. Yunan-Roma güləşi üzrə yığmamızın baş məşqçisi Elçin Cəfərov, taekvondoçumuz Rəşad Əhmədov da çıxış edərək, Olimpiadada uğurlu nəticələr göstərməyə çalışacaqlarını bildiriblər. Milli komandamızın bayraqdarı, yunan-Roma güləşi üzrə Olimpiya və dünya çempionu Fərid Mansurov isə Olimpiya andı içib. Daha sonra prezident İlham Əliyev çıxış edib. İ.Əliyev ölkəmizdə idmana dövlət səviyyəsində göstərilən qayğının ildən-ilə artdığını bildirib. O, Bakı və bir sıra regionlarda nüfuzlu beynəlxalq yarışların təşkil olunduğunu və bu tendensiyanın davam etməsinin zəruriliyini vurğulayıb. İndiyədək 13 Olimpiya Kompleksinin istifadəyə verildiyini xatırladan prezident tezliklə daha 18 idman qurğusunun açılacağını söyləyib. Dövlət başçısı tikilməkdə olan idman qurğuları arasında xüsusən, Mingəçevirdəki Avarçəkmə Bazasının fərqləndiyini qeyd edib. Pekin Olimpiadasında ölkəmizin müstəqillik illərində ən çox idmançı ilə təmsil olunacağını bildirən İ.Əliyev onlardan cəmi 12-nin iki və daha çox Olimpiadaya qatıldığını, 32-nin isə ilk dəfə qüvvəsini sınayacağını deyib. Prezident bu faktı gənc idmançı nəslinin yetişməsinin göstəricisi kimi dəyərləndirib. Dövlət başçısı Pekin Olimpiadasında medal qazanan idmançıların mükafatlarında da artım olacağını söyləyib. Onun sözlərinə görə, qızıl medal sahibinə hökumət 400 min, Milli Olimpiya Komitəsi isə 200 min manat məbləğində pul mükafatı verəcək. İ.Əliyev federasiyalar və cəmiyyətlərin də bu prosesdə fəal iştirak edəcəklərinə inandığını vurğulayıb. Tədbirin sonunda hər bir idmançı Azərbaycan bayrağını öpərək, ölkə prezidenti ilə xatirə şəkli çəkdirib. Qeyd edək ki, görüşdə yalnız Qazaxıstana təlim-məşq toplantısına yollanacaq cüdoçularımız iştirak etməyiblər. LENT.AZ