ABŞ İsraildə radar quraşdıracaq

SON XƏBƏRLƏR

ABŞ İsraildə radar quraşdıracaq

2021.10.20, 07:36

Gunaz.tv

ABŞ İsraildə radar quraşdıracaq

“Yeni Şərq”in “Amerikanın Səsi”nə istinadən yaydığı məlumatda bildirilir ki, Birləşmiş Ştatlar İsraildə inkişaf etdirilmiş radar sistemi yerləşdirməyə razı olub. ABŞ-ın adlarının açıqlanmasını istəməyən yüksək səviyyəli rəsmiləri bildiriblər ki, bu sistemlər İranın hücum edəcəyi təqdirdə, İsraili əlavə müdafiə qabiliyyəti ilə təmin edəcək. İsrailin Müdafiə naziri Ehud Barak razılığın əldə edildiyini təsdiq edib. Dolayısıyla etiraf edib ki, İranın hücum edəcəyi təqdirdə ABŞ olmadan ölkəsinin təhlükəsizliyinin qorunması faktik olaraq, mümkünsüzdür. Rəsmilər sistemlərin 2009-cu ilin yanvar ayında ABŞ-ın yeni prezidenti vəzifə başına keçənə qədər yerləşdiriləcəyini bildiriblər. Bu sistemin əsasını təşkil edən ABŞ-ın ən güclü radar sistemi olan X-radar orta və uzun mənzilli raketləri fəzada təqib edə bilmək qabiliyyətinə malikdir. Bununla yanaşı, sistem səmaya buraxılmış raketləri hədəf alıb, onları vura bilər. ABŞ bu radar texnologiyasını artıq Yaponiyada yerləşdirib və tezliklə onun Çex Respublikasında da yerləşdiriləcəyinə ümid bəsləyir. İran tərəfi öz növbəsində dəfələrlə bəyan edib ki, İsrailə hücum etmək niyyətində deyil və israillilərin bu haqda danışmaları təxribatdan başqa bir şey deyil. Yeni Şərq

GUNAZ.TV

SON XƏBƏRLƏR