Azərbaycanın Lənkəran rayonunda 2000 yaşı olan abidə tapılıb

SON XƏBƏRLƏR

Azərbaycanın Lənkəran rayonunda 2000 yaşı olan abidə tapılıb

2021.10.20, 07:36

Gunaz.tv

Azərbaycanın Lənkəran rayonunda 2000 yaşı olan abidə tapılıb

Lənkəran rayonunun Kosalar kəndi ərazisində üzərində qeyri-adi heyvan təsviri olan daş abidə tapılıb. İlk baxışdan əjdahaya oxşayan bu heyvanın başında tac, ağzında isə od püskürməsi təsvir olunub. Arxeoloq Cavanşir Həsənzadə APA-nın cənub bürosuna bildirib ki, iri daş parçasının üzərində əjdaha rəsmi oyulmuş bu tapıntının ən azı 2000 yaşı var. Onun fikrincə, bu tapıntı Ptolomeyin xəritəsində təsvir edilən qədim Azərbaycan dövləti olan Hirkan dövlətinin gerbidir. Daş abidənin tapıldığı iki hektarlıq ərazinin qədim tikililərin qalıqları ilə zəngin olduğunu deyən arxeoloq 1988-ci ildə sözügedən ərazidə aparılan qazıntılar zamanı hündürlüyü 3, eni 1 metrdən çox olan yeraltı tunelin aşkarlandığını da qeyd edib. Onun sözlərinə görə, həmin dövrdə ölkədə baş verən gərgin ictimai-siyasi proseslər burada tədqiqat işlərinin aparılmasına imkan verməyib. Yeraltı tunel dörd tərəfə - şimal, cənub, şərq və qərbə istiqamətlənib. Maraqlıdır ki, tunelin qərbə tərəf gedən hissəsi ərazidən altı kilometr aralıda yerləşən Bəlləbur qala xarabalıqlarına qədər uzanır.apa

GUNAZ.TV

SON XƏBƏRLƏR