Contact Us

SON XƏBƏRLƏR

Tiflisin Moskvaya ilk ciddi zərbəsi

2021.10.20, 07:36
Tiflisin Moskvaya ilk ciddi zərbəsi

Gunaz.tv
Tiflisin Moskvaya ilk ciddi zərbəsi georgia.jpg "Qərbin gürcü-abxaz münaqişəsi bölgəsindən rus sülhməramlılarını çıxarması üçün Rusiyaya təzyiqləri artıracağı gözlənilir" Avropa Birliyi (AB) xarici işlər nazirlərinin Brüsseldə keçirilən görüşündə Rusiya gürcü-abxaz münaqişəsində tərəf kimi tanınıb. Avrokomissar Benita Ferrero-Valdner bəyanlayıb ki, AB gürcü-abxaz münaqişəsinin tənzimlənməsinə qoşulmağa borcludur. Münaqişənin tənzimlənməsi üçün ilk addım problemin həllində güc tətbiq edilməyəcəyi barədə tərəflərin götürdükləri öhdəliyə imza atmaları olacaq. Gürcüstanın Avropa Birliyindəki təmsilçisi səfir Salome Samadaşvili bildirib ki, AB xarici işlər nazirlərinin görüşündə Rusiyanın mövqeyi maraqlı tərəf kimi qəbul olunub, Moskva münaqişədə iştirak edən üçüncü tərəfdir. Rəvan Məmmədli Onun sözlərinə görə, Rusiyanın neytral oyunçu, yaxud vasitəçi kimi bu konfliktin həllində iştirakını AB nəzərdə tutmayıb. Qeyd edək ki, hazırda gürcü-abxaz münaqişə bölgəsində BMT-nin mandatıyla rus hərbiçiləri sülhməramlı funksiyanı yerinə yetirirlər. Məsələylə bağlı fikirlərini öyrəndiyimiz Azərbaycanın Rusiyadakı sabiq səfiri Hikmət Hacızadə deyir ki, Moskva zaman-zaman maraqlı tərəf olmadığını, rus sülhməramlılarının gürcülərlə abxazlar arasında sədd çəkdiyini, münaqişənin alovlanmasına imkan vermədiyini bəyanlayıb. AB isə artıq qərar qəbul edib ki, əksinə, Rusiya bu münaqişədə maraqlı bir tərəfdir: "Avropa Birliyinin bu mövqeni ortaya qoyması da səbəbsiz deyil. Tiflis məsələ qaldırıb ki, rus sülhməramlıları bölgədən çıxsın və yerinə BMT-nin mandatı altında neytral qüvvələr yerləşdirilsin. Bunun üçün də Gürcüstan əvvəlcə beynəlxalq ictimaiyyətin Rusiyanı maraqlı tərəf kimi tanımasına nail olmalıydı. Ondan sonrakı mərhələdə beynəlxalq ictimaiyyətin dəstəyilə rus sülhməramlılarının münaqişə bölgəsindən çıxarılması üçün hərəkətə keçilməlidir". Sabiq səfir bildirdi ki, Avropa Birliyinin bu mövqeyindən sonra Qərbin gürcü-abxaz münaqişəsi bölgəsindən rus sülhməramlılarını çıxarması üçün Moskvaya təzyiqlərinin artıracağı gözlənilir. Yəqin ki, yaxın gələcəkdə bu məsələ BMT Təhlükəsizlik Şurasında da müzakirəyə çıxarılacaq. xalqcebhesi

SEÇİLMİŞ XƏBƏRLƏR

Çox oxunanlar