İran erməni amilindən istifadə edərək Türkiyəyə təzyiq göstərmək istəyir

SON XƏBƏRLƏR

İran erməni amilindən istifadə edərək Türkiyəyə təzyiq göstərmək istəyir

2021.10.20, 07:36

Gunaz.tv

İran erməni amilindən istifadə edərək Türkiyəyə təzyiq göstərmək istəyir

İranın Türkiyə və Ermənistan arasında vasitəçiliyə hazır olması rəsmi Ankaraya təzyiq göstərməyin özünəməxsus bir vasitəsidir və Türkiyənin Suriya (İranın müttəfiqi) və İsrail (İranın düşməni) arasında vasitəçiliyinə cavabdır. «İran Türkiyəyə qarşı erməni amilindən istifadə, edərək ona təzyiq göstərmək istəyir» - deyə, Qafqaz ölkələri üzrə İran eksperti Hatəm Qadiri Trend News-a bildirib. İranın xarici işlər naziri Mənuçöhr Möttəki iyulun 18 -də erməni həmkarı Edvard Nalbandyan ilə telefon danışığında bildirib ki, İran Türkiyə və Ermənistan arasında vasitəçiliyə hazırdır. İranın İRİB telekanalının saytının məlumatına görə, o, Ermənistan və Türkiyə arasında olan gərgin münasibətin aradan qaldırılmasına ümidvar olduğunu bildirib. «İranda erməni lobbisi çox güclüdür və ermənilər bu faktdan istifadə edərək, Türkiyə ilə münasibətlərinin bərpa edilməsi üçün İranın vasitəçiliyini tələb edirlər»-deyə, Qadiri bazar ertəsi telefonla Tehrandan bildirib. Türkiyə Ermənistan -Azərbaycan Dağlıq Qarabağ münaqişəsinə görə Ermənistanla münasibətləri kəsib. Lakin İrəvan və Ankara arasında əsas fikir ayrılıqları iyirminci əsrin əvvələrindəki hadisələrlə - Birinci Dünya müharibəsi zamanı Osmanlı imperiyasında ermənilərin kütləvi qırğınlarının baş verməsi ilə əlaqədardır. Erməni tərəfi iddia edir ki, o zaman milyondan çox erməni öldürülüb. Türkiyə bunun “soyqırım” aktı olması barədə Ermənistanın iddialarını inkar edir, - BBC Russian yazır. Qadirinin sözlərinə görə, Türkiyə Suriya və İsrail arasında vasitəçilik etdiyinə görə, İran erməni amili vasitəsilə Türkiyə ilə “oyun oynamaq” istəyir. «Əslində, birinci Türkiyə İranla oyun oynamağa və bu ölkəyə qarşı «öz kartlarını açmağa» başladı. Rəsmi Tehran isə, bunun müqabilində Türkiyəyə təzyiq göstərmək istəyir. Hazırda İranın əsas kartı Ermənistandır»-deyə, Qadiri bildirib. Türkiyəli politoloq Üfüq Coşğun da hesab edir ki, İranın Türkiyə və Ermənistan arasında vasitəçiliyə hazır olması barədə bəyanatı Türkiyənin Suriya və İsrail arasında vasitəçiliyinə qarşı alternativ kimi irəli sürülüb. Onun sözlərinə görə, İran Türkiyə və Ermənistan arasında vasitəçi olarsa, o zaman müsbət nəticə əldə edilə bilər, lakin bunu tam əminliklə iddia etmək olmaz. «Türkiyənin Ermənaitanla əlaqələrinin bərpa olunması üçün Ankaranın prinsipial və dəyişilməz şərtləri var. Ermənistan Türkiyənin şərtlərini qəbul edərsə, bu, Azərbaycan üçün də faydalı ola bilər» - deyə, Coşğun bazar ertəsi Trend News – a bildirib. trend

GUNAZ.TV

SON XƏBƏRLƏR