Mahmud Əhmədinejad:İRAN İSRAİLİ DÜZ ÜRƏYİNDƏN VURACAQ

SON XƏBƏRLƏR

Mahmud Əhmədinejad:İRAN İSRAİLİ DÜZ ÜRƏYİNDƏN VURACAQ

2021.10.20, 07:36

Gunaz.tv

“İRAN İSRAİLİ DÜZ ÜRƏYİNDƏN VURACAQ” Mahmud Əhmədinejad: “Bizim silahlı qüvvələr düşmənin əlini tətiyə çatmadan kəsəcək”

İsrail və ABŞ-ın İrana qarşı hərbi əməliyyatlara başlaya biləcəyi haqda xəbərlərə cavab olaraq Tehrandan sərt tonda xəbərdarlıqlar eşidilir. Belə xəbərdarlıqlardan birini İranın dini liderinin İnqilab Keşikçiləri Korpusundakı nümayəndəsi Müctəba Zolnur edib. O, deyib ki, İran silahlı qüvvələri tam hazırlıq vəziyyətindədir və düşmənin istənilən hücumunun qarşısını ala bilər: “Əgər düşmənlər düşünülməmiş qərar verib ölkəmizə hücum etməyə qərar versələr, bizim qoşunlarımız onlara çox sərt cavab verəcək”. Zolnur deyib ki, əgər ABŞ və İsrail qələbəyə əmin olsaydılar, bir an belə tərəddüd etmədən İrana hücum edərdilər. Onun sözlərinə görə, əgər ABŞ və İsrail İrana doğru raket və mərmilər buraxsa, bu hücumun tozu çəkilməmiş İsrailin “düz ürəyinə” və ABŞ-ın bölgədəki 32 hərbi bazasına zərbələr endiriləcək. İran dini liderinin nümayəndəsi bu sözləri İnqilab Keşikçiləri Korpusunun Fars körfəzindəki təlimləri ilə bağlı deyib. Bu təlimlər zamanı orta və uzaq mənzilli ballistik raket sınaqları keçirilib. İran İsrailə cavab zərbələri endirmək üçün “Şahab-3" ballistik raketlərini də start meydançalarında yerləşdirib. Prezident Mahmud Əhmədinejad da İranın düşmənlərini növbəti dəfə hədələyib. Ənənəvi olaraq hər dəfə belə çıxışlarında öz üslubuna xas ritorikadan istifadə edən Əhmədinejad bu dəfə deyib ki, İran silahlı qüvvələri düşmənin əlini tətiyə çatmadan kəsəcək. O, hərbi təlimlər haqda danışarkən bildirib ki, bu manevrlər zamanı İran ordusunun gücünün ancaq bir hissəsi nümayiş etdirilib: “Zərurət yaranarsa, biz öz müdafiə imkanlarımızı daha böyük miqyasda göstərə bilərik”. Siyasət şöbəsi musavat

GUNAZ.TV

SON XƏBƏRLƏR