Son dövrlər Iranın və Rusiyanın Azərbaycanda fəallaşdığı müşahidə olunmaqdadır...

SON XƏBƏRLƏR

Son dövrlər Iranın və Rusiyanın Azərbaycanda fəallaşdığı müşahidə olunmaqdadır...

2021.10.20, 07:36

Gunaz.tv

Əhmədnecadın Azərbaycanda şəbəkəsi var

«Höccətiyə» qruplaşmasının işində Iran prezidentinə Sovet «KQB» kadrlarının yardımçı olduğu bildirilir Onlar Şiəliyin zühurunu gözlədiyi Imam Mehdinin tez bir zamanda zühuru üçün əllərindən gələni edirlər Son dövrlər Iranın və Rusiyanın Azərbaycanda fəallaşdığı müşahidə olunmaqdadır. Azərbaycanın Qərb ölkələri və türk dünyası ilə ilişkilərinin tempini azaltmağa yönəlik cəhdlərin ölkəmizi demokratik və milli mənafelərə doğru inkişafdan yayındırmağa hesablandığı da sirr deyil. Məlumatlı mənbənin “Azadlıq”a verdiyi xəbərə görə, son dövrlərdə Azərbaycan Xüsusi Xidmət Orqanları Irandan gələ biləcək yeni bir təşkilatlanma dalğasının qarşısını almağa çalışırlar. Bu təkilatlanmanın başında isə Iran prezidenti Mahmud Əhmədinecadın da təmsil olunduğu şiəliyin “Höccətiyyə” qanadı durur. Araşdırmalar zamanı onu da müəyyən etmək mümkün olub ki, bu qruplaşma şiə müsəlmanları içərisində qiyamət gününün tez gəlməsi üçün dua edənlərdir. Yəni onlar Şiəliyin zühurunu gözlədiyi Imam Mehdinin tez bir zamanda zühuru üçün əllərindən gələni edirlər. Bu inanca görə isə Imam Mehdi qiyamət günü zühur edəcək. Buna görə də bu təriqət qiyaməti yaxınlaşdıracaq fəaliyyətləri özlərinə borc bilirlər. Azərbaycanda isə bu təşkilatlanmanın başında hələlik kimin durduğu bəlli olmasa da, vaxtı ilə Iranda diplomatik xidmətdə olmuş bir azərbaycanlı - milliyyətcə talış olan birinin bu işləri koordinasiya etdiyi bildirilir. Mənbə bildirir ki, bu kriteriyalara uyğun şəxslərin araşdırılması zamanı maraqlı bir bioqrafiyaya malik şəxs də diqqəti cəlb edib. Bu şəxs iki dəfə fasilə ilə Əfqanıstanda və Bakıda üst-üstə 8 il Polyaniçkonun köməkçisi olmuş Əlimirzamin Əsgərovdur. O, 1994-cü ildən 99-cu ilə qədər Azərbaycanın Irandakı səfirliyində viza şöbəsinə rəhbərlik edib. Bu dövrdə isə daha çox farsmeylli fəaliyyəti ilə diqqəti cəlb edib. Onun bu hərəkətlərindən Səməd Nikpur, Hüseyni, Kərimi soy adlı güneyli ziyalılar o zaman səfirliyə və azərbaycanlıları xaricdə təşkilatlandıran qurumlara şikayət ediblər. Həmin şəxsin indi də XIN-də vacib postlardan birində əyləşdiyi bildirilir. Qeyd edək ki, indiki şəraitdə həqiqətən də bu tip məsələlərin həssaslıqla izlənməli olduğunu nəzərə alıb xəbərlə bağlı heç bir şərh vermirik. Ümid edirik ki, MTN və XIN bu məsələ ilə bağlı daha səhih məlumatı cəmiyyətlə bölüşəcək. Xəbər Xidməti azadliq

GUNAZ.TV

SON XƏBƏRLƏR