Azərbaycanlı milli-mədəni fəal Murtaza Heydəri Ettelaatın əlaltısı tərəfindən küçədə döyülüb

SON XƏBƏRLƏR

Azərbaycanlı milli-mədəni fəal Murtaza Heydəri Ettelaatın əlaltısı tərəfindən küçədə döyülüb – Təbrizdə / VİDEO

2021.10.20, 07:36

Gunaz.tv

GünAz TV: Ettelaat (İran Kəşfiyyat Nazirliyi) əlaltılarının Azərbaycan Milli Hərəkatı fəallarının əleyhinə virtual aləmdə apardıqları kompaniya məğlubiyyətə uğradıqdan sonra bu dəfə milli-mədəni fəallar küçələrdə hücuma məruz qalır.

Məlumata görə, Murtaza Heydəri dekabrın 11-də yerli vaxtla saat 10 radələrində Təbrizin Şəhnaz dördyoluna yaxın, postxana küçəsindən keçərkən naməlum bir şəxs tərəfindən durdurulub. O təhqiramiz ifadələrlə bildirib ki, nə üçün sosial şəbəkələrdə mənim yazılarımın altında nələrsə yazırsan?! Nə qədər də böyük olsan Abbas Lisani (cənab A.Lisaniyə qarşı elə təhqiramiz ifadələr işlədir ki, onları burada qeyd etmək mümkün deyil) kimi heç bir qələt edə bilməzsən! Buna cavab olaraq M.Heydəri bildirib ki, “A.Lisani və digər fəallar bayağı sözlərlə milli fəalları çağıran, onları təxribata məruz qoyanlara məhəl qoymurlar. Bundan sonra həmin şəxsin tonu daha da dəyişib və tam küçə söyüşlərinə keçib. Bütün bunlara baxmayaraq M.Heydəri həmin şəxsdən uzaqlaşmaq istəyib, lakin bu da mümkün olmayıb. Videoda göründüyü kimi Ettelaat əlaltısı azərbaycanlı fəala hücum edərək onu döyüb.

https://www.youtube.com/watch?time_continue=147&v=OrN7VpEUxso

Son vaxtlar Azərbaycan Milli Hərəkatının Abbas Lisani kimi ən tanınmış fəalları, həmçinin GünAz TV və s. kimi milli qüvvələr Ettelaat İdarəsinin hərtərəfli hücumuna məruz qalıb. Ettelaat Milli Hərəkata alternativ yaratmaq məqsədi ilə həqiqi fəalları müxtəlif təzyiqlərə məruz qoyur. Lakin azərbaycanlı gənclərin ayıq-sayıqlığı nəticəsində fəallara qarşı aparılan təxribat heç bir nəticə verməyib, hərəkat daha güclü şəkildə öz yolunu davam etdirməkdədir.

N.S

GUNAZ.TV

SON XƏBƏRLƏR