Təbriz və Urmiyə şəhərlərində “26 Azər” Günü münasibəti türkcə kitablar paylanılıb

SON XƏBƏRLƏR

Təbriz və Urmiyə şəhərlərində “26 Azər” Günü münasibəti türkcə kitablar paylanılıb - GÖRÜNTÜ

2021.10.20, 07:36

Gunaz.tv

GünAz TV: 71 il əvvəl Milli Hökumət süqut etdikdən sonra pəhləvi ordusu Güney Azərbaycanı işğal edərək minlərlə insanı qətliam etdikdən sonra tarixin ən böyük mədəni soyqırımlarının birini həyata keçirib.

1946-cı il dekabrın 17-i, “26 Azər” və ya “kitabların yandırılması və mədəni soyqırım” adı ilə tarixə düşüb. Məhz bu günün 71-ci ildönümündə təhlükəsizlik qüvvələrinin bütün təzyiqlərinə baxmayaraq Təbriz və Urmiyə şəhərlərində yerli əhali arasında türkcə kitablar paylanılıb.

Təbrizdə türk dilində olan kitabların əksəriyyəti Saat Meydanında yandırıldığı üçün, fəallar məhz bu tarixi yerdən kitab paylamağa başlayıblar. Onlar ətraf xiyabanlara yayılaraq uşaqlara ana dilində yüzlərcə hikayə kitabları hədiyyə ediblər.

Təbriz

Urmiyə şəhərində də mərkəzi xiyabanlarda uşaqlara ana dilində çap olunmuş çox sayda kitablar hədiyyə edilib.

Urmiyə

Dekabrın 12-i - Milli Hökumətin quruluşunun 72-ci ildönümü günündə də Urmiyənin uşaq bağçalarında uşaqlar arasında türkcə hikayə kitabları paylanılmışdır.

1945-ci il dekabrın 12-də (1324-cü il azərin 21-də) Seyid Cəfər Pişəvərinin başçılığı ilə Təbrizdə Azərbaycan Milli Hökuməti qurulub. Lakin Milli Hökumət bir il sonra Pəhləvi hakimiyyətinin qanlı müdaxiləsi və bir sıra xarici amillərə görə süqut edib. Bu tarixi gün Azərbaycan tarixinə “21 Azər Hərəkatı” kimi düşüb.

Milli Hökumət 1946-cı il dekabrın 12-də süquta uğradıqdan sonra pəhləvi rejiminin işğalçı ordusu bir neçə gün ərzində minlərlə insanı qətliam edib, dekabrın 17-də (Azərin 26-ı) “ana dili” adı ilə çap olunmuş bütün kitablar və türk dilində yazılmış digər kitabları hər kəsin gözü qarşısında yandırıb. Bəzi mənbələr 1946-cı il dekabrın 12-dən 17-dək 25 mindən çox azərbaycanlının edam edildiyini, 70 min nəfərin öz yurd-yuvasından didərgin düşdüyünü yazır.

Təbriz:

Urmiyə:

N.S

GUNAZ.TV

SON XƏBƏRLƏR